Mizoram Cycling Association chuan an Vice President C. Lalawmpuia chu vawiin hian Lengpui Airport ah lo hmuah an tum.
C. Lalawmpuia hi Zofate zinga a hmasa ber ni turin Aizawl a\anga Kolkata thleng thirsakawr in a kal thleng a. Ni 15 chhungin a sur a sa hnuaiah kilometre 1574.42 zet a inrap a, darkar 100.39 hun a hmang bawk.
Aizawl Dawrpui Veng a khawsa Maawma hian January ni 26 khan Aizawl chhuahsanin February ni 15 ah Kolkata a thleng a, Kolkata Mizo Welfare pawhin Mizo tlangval tuarchhel leh huaisen hi entawntlak tiin chawimawina an lo hlan a ni.
MiCA chuan vawiin hian Airport kiangah amah lo lawm a, programme tawi fel buatsaih an tum a, thirsakawr khalh mite a duh apiang tel turin an sawm.
Cycle hmanga airport pan tum a ni a, chawhma dar 11:00 ah Singson Petrol Pump, Hunthar veng ah kim turin an inngen.