Backstreet Boys singer Nick Carter chuan band hlawhtlinna leh daihreina chhan chu member te’n chhungkaw rilru dik tak an put vang, a ti.
‘I Want It That Way’ hit puitute zingami hian, “Kan vai hian puitlin lam kan pan vek tawh. Kum 12 ka nih atang tawha ka hriatchian te an ni hlawm a, chhungril leh pawn lam thlenga inhrepawh tak kan ni a, chu chuan chhung-kaw rilru min puttir a, kan tlo pah ta hle a ni,” a ti.
Sawi chhunzawmin, “Dinhmun chhia leh tha ah pawh kan inphatsan ngai lova, kan inhmangaih tawn vek a, kan inringtawn vek bawk. An hnen atang hian thil tam tak ka zir theih pah a, ka inlaichinna tha tak hi ka fapa leh chhungkuaah pawh ka chhawmlut a ni,” a ti bawk.
Kevin Richardson (A chhuak zawk hman a, a lo lut leh), Brian Littrell, Howie Dorough leh Aj McLean te pawhin an hlawhtlinna ah awih harsa an la ti hle a, hun rei tak rimawi khawvela an khawsak tawhna ah tlahniam duai duai lova, hriatreng an hlawh chu mak an ti tawp thei lo a ni.
Nick chuan, “Kum rei tak i thawhrimna a ni a, tun dinhmun thleng tur hian kan inbeisei ngai lo. Hetianga chawi-mawina dawn phei chu mumang ang a ni,” tiin a sawi.