Tun kartawp chhoah hian eng movive nge en i tum le? Thriller lam i ngaina a nih hlauh chuan tun dinhmuna ramchhunga sawi laih laih tling mek ‘A Thursday’ hi lo hmetchhuak ta che. Disney+ Hotstar-ah khan.
Movie ngainate, critics leh industry ang pawha sawi hat hat a ni tawh a, ‘URI’ leh ‘Bala’ fan te tan phei chuan Yami Gautam channa hi hmaih a thiang lo.
Ani hian fan te tan hnar harsa a nihna a lantir nawn fo tawh a, ‘Naina Jaiswal’ lema a channa pawh hi thinphu dep depa enleh ngei a ngai dawn. Fan pakhat chuan, “Yami Gautam film hi tunhnaia thriller tha ber zingami a ni” a ti hial.
Twitter lamah pawh comment an inchuh a ni deuh ber. Pakhatah chuan, “Movie hmuhnawm, ngaihtuahna hruai kawi thei a va’n ni chiang em! Sawi fiah mai theih pawh a ni lo. A tawp lam minute 20 phei chuan min vel tap chiang kher mai. Yami, i va’n titha tak em… Storyline a mar tha viau a, screenplay, acting, music tin mai kha a fuh vel vek,” a ti ve thlawt.
Bollywood zinkawnga a hna hautak ber ni riha ngaih ah pawh Yami hian hneh takin a chanvo a hlen. A theih-na leh thiamna a pholang a, hun rei tak he industry-ah a la cham dawn tih a nemnghet bawk.
‘A Thursday’ a fuh chho bawk a, a film thar tih-chhuah tur pathum, ‘LOST,’ ‘OMG2’ leh ‘Dasvi’ lakah beisei a sang nghal hle mai a, talent nei tha tak actress hian taste dangdai leh dang-lam min hlui chho mawlh mawlh dawn e.