Premier League title inchuhnaah Liverpool an la nung a. Inelna hrang hrangah vawi 8 a zawna an chakna ni turin Norwich City lakah 3-1 in an chak.
Inrinni zana Anfield a inkhelah Reds hi si phur hmasa zawkah an \ang a, mahse second half-ah na taka goal an nawr rah sengin goal thum an khung.
Liverpool in Norwich lakah goal hlauhawm insiam fo mahse an khung thei lova, first half a goal a luh loh hnuah second half \an tirah a bet zawkin goal an khung. Milot Rashica ball pet dan pial luh avangin Canaries in goal an nei a, kum 28 chhunga a vawikhatna ni turin Anfield-ah chak thei turin hma an hruai.
Mahse Inter Milan hmachhawntu team a\ang mi pasarih an thlak danglam hnuah Liverpool boss Jurgen Klopp chuan Thiago Alcantara leh Divock Origi a dahlut a, an inkhel a danglam.
Minute 64-naah Sadio Mane chuan Konstantinos Tsimikas ball tauh chu mawi takin a bin lut a. Minute hnih hnuah goalkeeper Alisson Becker pet chhuah chu Mohamed Salah chuan goal-ah a chantir lehnghal.
Salah hian tun season-ah league goal 17 a khungna a ni a. Liverpool tan 150 a khung tawh. Luis Diaz chuan a club thar tana a goal hmasa ber a khung ve leh bawk.
Klopp-a pawlte hian point 6 chiahin Manchester City an pha lo mek a, khelh khatin an khel tlem zawk bawk.
Inkhel zawhah Klopp-a chuan, “Kan khelhdan phung kan thlak kha kan coaching team in thutlukna dik kan siam a ni. Inkhel hun pawimawhah tianga danglamna siam kha a \ul \hin. 4-4-2 khan harsatna a siam belh a, kan inthlak chiah khan kan hlauhawm zual sawt.” tiin a sawi.
Arsenal in top four an hnaih
Second half-ah Gunners tan Emile Smith Rowe leh Bukayo Saka ten goal an khung a. Brentford lakah 2-1 a chakin Gunners in point khatin top four an pha lo mek.
Emirates Stadium-ah Arsenal in first half-ah penalty beiseina vawi hnih an nei a, mahse pek an ni lo. Second half \an tir lamah erawh England international Smith Rowe-a’n Brentford tlarhnung an chaih buai hle hnuah goal a khung.
Bukayo Saka chuan minute 79-naah an goal hnihna a khung a, huntawp dawnah Christian Norgaard chuan Bees tan goal khat a khung.
Arsenal boss Mikel Arteta chuan, “Nikuma an laka kan tlawm nen chuan inkhel danglam hlak a ni. Mahse kan inenfiah a, \ang ulh lo tura rilru fim kan hmang thei kha thil lawmawm a ni.” tiin inkhel a sawi zui.
Blues tan Ziyech
Chelsea in Crystal Palace hneh turin huntawp dawnah goal khung an mamawh a. Hakim Ziyech chuan minute 89-naah goal khungin a team a chhanhim.
Moroccan midfielder hian second half \an tirah goal khung mahse Romelu Lukaku a offside avangin pawm a ni lo.
Inkhel zawhah chakna goal khungtu Ziyech chuan, “Inkhel a hautak a, chance tamna inkhel a ni lo. Chuvangin huntawp dawna goal khung a nuam duh bik hle.”
“Trophy chawi tumin kan inkhel a, inelna hrang hrang khelh hnem pawh a hautak. Mahse hei hi kan tum ber chu a ni.” tiin a sawi.