Italy a hmahruaitu AC Milan chu table mawngphah a awm Salernitana lakah an tlawm teuh hle a. Ante Rebic goal khung hmangin 2-2 in an inhnehtawk.
Inrinni zana Stadio Arechi a inkhelah kum 11 hnua a vawikhatna atana Scudetto chawi tum Milan hian minute 5-naah goal an khung a. Brazilian attacking midfielder Junior Messias chuan goal a khung.
Hei hi minute 29-naah striker Federico Bonazzoli chuan Salernitana tan a sut a. Minute 72-naah rin loh takin Bosnian forward Milan Djuric chuan tauh goal in mualneitu hma a hruaipui.
An lawmna erawh a rei lova, minute 77-naah Rebic-a’n Milan si phurh sutin point a hmuhpui.
Milan coach Stefano Pioli chuan, “Draw tura kan tho leh thei hi thil lawmawm a ni a, mahse chak tura lo kal kan ni. Kan football khelh \hin ang kan khelh loh avangin avangin kan result hi a lungawithlak loh.” tiin a sawi.