Supermodel Gigi hadid-i’n India khak!

India rampuma tunlaia chai laih laih ni mek, ‘Hijab’ chungchangah Supermodel Gigi Hadid chuan India leh ram dangte chu hming hmera lamin, an lo khap ve burna tur a awm lo, a ti.
A rilru a awm tlang taka sawi thin Hadid hian he thil buaipui dan leh khap kual vel danah hian instagram-ah sei ang reng taka ziakchhuakin, zawhna thahnem tak a zawt nghal bawk.
Kum 25 upa hian, “Zirna, infiamna leh a bik takin an sakhua leh rinna bakah an himna chungchangah hian an tih leh tih loh tur lo hrilh vel sek hi in hna a ni lo. Hengte hi inhmuhsitna chikhat a ni chiang mai.
“France, India, Quebec, Belgium leh ramdangte- Muslim hmeichhiate laka hmuhsitna pholang ching te ka ngen duh. In thuthlukna siam tawh te ngaihtuah tha leh ula, an hmalam hun tura lo inrawlh ve sek hi an hna a ni a, in lo inrawlh vena tur a awm lo. Hmeichhia te hnena sakhuana leh himna chungchanga an hak leh hak loh tur lo hrilh kual sek hi in hna a ni lo bawk,” a ti.
Thla hmasa January khan Udupi, Karnataka- sorkar college pakhat atanga irhchhuak Hijab chungchanga inhnialna leh thu inchuhnain ramchhung mai ni lo, rampawn lama thlengin a kangkai chak hle. Campus chhunga zirlai hmeichhia parukte’n hijab nena class an kal chu mi thenkhatte’n do dalin, boruak rit tak a thlen bakah inepna na tak a chhuak zui a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427