English football-ah club leh club kara inelna boruak lian bik awmna, inhalna hrang hrang a awm \hin a. Heng zinga a lian pawl chu ‘Roses Rivalry’tia an sawi Manchester United leh Leeds United inhalna hi a ni.
Pathianni zanah club pahnihte hi Premier League-ah an intawng a, Elland Road a inkhel boruak sang leh khaw awmdan avanga inkhel hautaah Manchester United in Leeds United tho leh tur an rap bet thei a, 4-2 in hnehna an chang.
A hmuhnawm
Elland Road-ah kum 2003 October hnua a vawikhatna atan entu mipui awmin club pahnihte league inkhelah an intawng a. A chak zawk United tan hnehna pawimawh niin top four hmun an umna kawngah point thum pawimawh an hmu.
Inkhel \an a\angin team pahnihte an inhlau lo tawn a, mahse a sen lam zawk inkhel a langsar zawk niin ball thununtu zawkah an \ang.
Ruahsur avanga khelmual huh nasa takah Leeds inkhel a zuih zawngin a kal a. Minute 34-naah Red Devils captain Harry Maguire chuan set piece a Leeds tlarhnung pherhna \hin chu remchangah a la a, Luke Shaw corner vawrh luh a tauh lut a. Tun season-ah United in a vawikhatna atan corner a\angin goal an khung.
Halftime dawnah United bawkin goal an khung belh a, dinglam a\anga Jadon Sancho ball cross chu Bruno Fernandes-a’n a tauh lut a. Leeds an tluk laiin United dinhmun a \ha.
United erawhin an zia an chhuah a, halftime zawh hnuah Leeds United phur thar tur chu an veng thei lova, tunhnaia an tihfo ang bawkin second half tirah an hmahruaina an humhim zo lo.
Minute 53-naah Rodrigo-a’n ball a cross chu United goal-ah a pet lut a, David de Gea tan dan theih a ni lo. Second 58 hnuah Leeds in goal an khung belh a, substitute Raphinha chuan United winger hlui Daniel James ball cross a tlawh lut.
Tunhnaia United inkhelah an hmahruaina an hlohin an che buai zui \hin a, an tho leh thei tawh ngai lo. Tun \umah erawh kawng dik lam an pan ni a ngaih theih turin hnehna an sual chhuak a. Leeds in an boruak \ha an chhawm rei thei lo.
Ralf Rangnick-a’n Paul Pogba leh Jesse Lingard lachhuakin Fred leh Anthony Elanga a dahlut a. Brazilian midfielder in Sancho siamsak chu minute 70-naah khungin minute 88-naah Elanga-a’n an goal li na a khung a. Swedish forward hi Leeds fans ten inkhelh laiin an vawm a, goal nen a chhanglet thung.
United zia a nghet
Minute 90 chhungin inkhel bung thumah a \hen theih a, a hmasa pahnih hi tunhnaia United ze nghet a chang tawh.
First half an thunun hle hnuah a bung hnihna – chawlhlawk zawha an talbuai \hin bawk a lang leh a, tun \umah erawh a bung thumna turin thawhlehna a tel.
An manager Ralf Rangnick chuan hmasawnnaah an result chu ngai mahse season thar a Champions League khelh phak tuma inumnaah an \ha tawk ang em tih zawhna lian tak a la awm.
Manchester United manager Ralf Rangnick chuan an result chu tunhnaia an team an inlungrual lo nia thuthang awm chhanletna \ha a nih thu a sawi a. “Hnehna pawimawh a nihzia hi kan chiang a, tunhnaia thuthang hrang hrang awmte chhanletna \ha ber a ni.”
“Kan inkhel kha kawng engkimah duhthusam tluk a nihna chhan chu puitlinna leh rilru fim kan lantir a, kan \anrualna kan chakpui bawk avangin kar hmasa lama rinthu ziah tam tak kan chhanglet a ni.” a ti.
Foxes ngam loh Wolves
Wolverhampton Wanderers in season thar a European football khelh phak ngei tuma an beihna an chhunzawm a. Beisei ang ni lova season hmang Leicester City chu 2-1 in an hneh.
Molineux Stadium-ah Wolves tan Ruben Neves chuan goal ropui khungtu a nih angin goal mawi minute 9-naah a khung a. Hei hi minute 41-naah Ademola Lookman chuan Foxes tan a sut a. Marc Albrighton-a cross a thai lut.
Mahse second half-ah Wolves tan Daniel Podence chuan chakna goal a khung a. Hei hi Wolves in a tawp thleng an hum.
Wolves hi kuminah Premier League inkhel vawi ruk a\ang vawi nga an chakna a ni a, Foxes hian game nga a\ang point hnih chiah an hmu.