Barcelona striker thar in duhthusamin a club thar tan goal khung bul a \an a, hattrick siamin Valencia lakah hnehna a chanpui.
Gabon striker Pierre-Emerick Aubameyang chuan tun season-ah a goal 8-na, 9-na leh 10-na a khung a, Arsenal tana October thla a goal a khung hnuah goal khung chhunzawm lehin Blaugrana an lawm.
Mestalla Stadium a inkhelah Barcelona tan Frenkie de Jong chuan goal dang a khung a. Valencia tan Carlos Soler chuan goal khat a khung ve bawk.
Hnehna an chan avangin Barcelona hi palinaah an chho a, Atletico Madrid nen an point hmuh zat a inang mek.
Barca chak chhan hi an tlarhma hriam vang niin goal-ah shot vawi 6 chiah nei mahse vawi li an khung a. Tunhnai league inkhel hnuhnung pathum a\angin goal 10 an khung.
An captain Sergio Busquets chuan, “Auba hi tlarhma a kan neih loh lo keng teltu a nih theih ka beisei. Player ropui a ni a, hlawhtlin duhna lian tak nen kan hnenah a lo kal. Kan team a kan nei hi thil lawmawm a ni. Tun season \an tira kan neih loh a hma lama hriamna kan nei leh \an.” a ti.