Hero I-League champion ni tawh Aizawl Football Club chuan tun season I-League khel chhunzawm turin inkhelhna hmun tur Kolkata an pan.
Tun season Hero I-League hi khelh \an ni tawh mahse Covid 19 avangin match khat chiah Aizawl FC in an khel hman a, India rama hripui leng avangin chawlh lailawk leh rih a ni.
March 3 a\angin khelh chhunzawm a ni dawn a. Aizawl FC team hian Lengpui Airport a\angin Kolkata an pan a, I-League inkhel hi live a en theih tura pekchhuah a ni ang.
Aizawl FC hian foreigner pahnih an neihsa Dipanda Dicka leh Willis Plaza te bakah Trinidad and Tobago atangin Defender palian Robert Primus an lalut a. Asian quota in Tajikistan International Bhaktiyor Qalandarov lakluh an tum niin sawi a awm mek.
Bus thar leh ambulance
Aizawl FC hian Thawh\anni khan team bus thar pahnih leh ambulance thar pakhat an tlangzarh nghal.
Bus pahnih hi National Thermal Power Corporation ten an CSR Fund atanga cheng nuai 40 an pek leh NECS in cheng nuai 4 an thawh ve a\anga an lei a ni a. Ambulance thar hi Shipping Corporation of India CSR Fund atanga a thlawna dawn a ni ve thung.
Lirthei tharte chu AIzawl FC Board of Governors thar – Lalrintluanga Sailo MLA, H.Biakzaua MLA, Er H.Lalzirliana MLA, K.Laldawngliana MLA, Dr K.Pachhunga MLA leh Dr Vanlaltanpuia MLA ten an tlangzarh.
Chairman Robert Romawia Royte chuan, “Aizawl FC hi khawhar takin kum 10 zet kan lo enkawl tawh a, Mizo \halaite hmakhua ngaia sum leh tha seng ve huam thawhpui tur kan mamawh em em laiin BoG thar duhawm tak tak kan nei hi a ropui ka ti.” tiin BoG thar te a lawm.