TECH TONIC
iQOO 9 Pro 5G
Tukleh maia India rama tlang-zarh tur iQOO 9 Pro hian 6.78-inch touhscreen display, resolution 1440×3200 pixels a nei dawn a, octa-core Qualcomm Snapdragon 8 Gen 1 processor chak mang-khenga thuam a ni bawk.
Android 12 hmanga run hian battery 4700mAh a nei a, fast charging hmangin minute 19 velah a full pap thei ang. Tin, 8/12GB RAM a neih miau vangin khawih vel a nuamin, a smooth tha hle dawn tih a chiang reng mai.
Camera mawlh mai hi a pui hle tura ngaih a ni a, triple camera setup bon takah 50-megapixel primary camera, 50-megapixel camera leh 16-megapixel camera vuah niin, selfie bik dawng sawng thin turin 16-megapixel sensor tha tak a awm khiau bawk.
iQOO 9 Pro hian 512GB inbuilt storage thlengin a nei dawn a, originOS Ocean hmanga run tur hi smartphone changkang leh tha tak zawng thin te tan mamawh chhanna a tling ang.
Connectivity-ah hian Wi-Fi 802.11 ax, GPS, Bluetooth v5.20 leh USB Type-C a mil thlap a, sensor bikah accelerometer, compass/ magnetometer, gyroscope, leh in-display fingerprint sensor hmuh tur a awm.
Headphone jack awm lo leh chhawm tel lo smartphone chhuak sup sup karah iQOO 9 Pro 5G hian 3.5mm headphone jack a nei dawn e. Rs 58,990 vela buai lo tan ngaihven ran chi a ni ang.