Beiseina sang tak nena ‘Justice World Tour’ neih chhoh tak tak tum mek Justin Bieber chuan Covid-19 a kai ta a, a team zingah hripuiin a nuai an awm nuk bawk avangin chawp chilh taka cancel nghal a ni.
Ruahmanna hmasa berah chuan tour hi May 14, 2020 khan neih tan tum ni mah se, Covid-19 hripuiin khavel a tuam tak chiam vang khan 2021 ah sawn hlat a ni a, hei pawh hi zu zi lehin, a tak ram a thleng thei chuang lo.
Las Vegas khawpui atanga a khuh hawn vawi hnihna neih tumah team member te zingah hripui vanga talbuai an awm chhoh nuk nuk takah chuan June 28, 2022 hi an tinzawnleh ta phawt.
Heti anga kum hnih chuang tour nei thei lova a awm chungchangah JB hian hrehawm a ti hle a, crew member te leh fan te himna a ngaihpawimawh bawk si avangin cancel leh mai loh chu duhhthlan tur dang a nei chuang lo a ni.
Zirtawp zan khan tour khuh hawnna pui tak mai chu San Diego khawpuiah neih a ni a, mipui an tamin concert hlawhtling tak an nei nghe nghe.
Khawpui pahnihna tur atan Las Vegas nuai an tum veleh heti ang hian vanduaina leh tluan lohna hrang hrangin a tibuai chhunzawm a, mimal tak pawhin JB hian a tuar hle.