Aizawl: Finance Minister Zoramthanga chuan kum 2022-2023 chhunga Mizoram budget ruahman Rs vaibelchhe 14,008.15 chu nimin khan Assembly House-ah a pharh.
Budget pharh takah hian sorkar sum hmuh tura beisei (Receipt Estimate) leh hmanral tur beisei (Net Expenditure Estimate) chu a inzat chiah a, a pahnih hian Rs vbc. 14,008.15 ve ve a ni.
Hmasawnna ruhrel hrang hrang dinna tur (Capital Expenditure) atan Rs vbc 4001.64 ruahman a ni a, hei hi budget pumpui a\anga zaa 28.57 a ni.
Mizoram sorkarin sum thawhchhuah tura beisei, state own tax revenue a\angin Rs vbc 801.30 beisei a ni a, hei hi sorkar kum kal meka hmuh beisei aiin zaa 11.36 in a pung a. State Own Revenue ruahman hi sum hmuh tura ruahman a\angin zaa 14.33 a ni a. State non-tax revenue-ah Rs vbc 836.43 hmuh beisei chu sorkar kum kal meka beisei Rs vbc 852.26 aiin Rs vbc 15.83 in a tlem zawk thung.
Sorkar sum puk tur zat ruahman Rs vbc. 2,548.34 niin, 15th Finance Commission rawtna angin Share of Taxes a\anga kum 2022-23-a sum a hmuh tura ruahman Rs vbc. 3,327.82 chu union budget-in Rs vbc. 4,083.24-ah tihpun a remti a, a punna hi zaa 22.70 a tling.
Centrally Sponsored Scheme (CSS) hrang hrang a\anga sum hmuh beisei zat chu Rs vbc. 2,646.64 a ni. Heng zingah hian PM DevINE, NLCPR, NESID, NEC, ST Welfare Grants leh Central Road Fund a\angin Rs vbc. 985.77 ruahman niin, PM DevINE bikah Rs vbc. 600 beisei a ni.
Revenue Surplus Rs vbc. 1,419.70 awm tura beisei atangin Gross State Domestic Product (GSDP) a\angin zaa 3.60 a ni tura ngaih a ni. Sum indaih lohna avanga sorkar sum a puk tur, Gross Fiscal Deficit chu GSDP a\angin zaa 3.07 ni tura chhut a ni bawk a, kum thara sorkar leiba tling khawm chu Rs vbc. 12,553.08 ni tura chhut a nih avangin, leiba hi GSDP a\angin zaa 31.81 a ni ang.
Scheme for Financial Assistance to States for Capital Expenditure hnuaiah kum 50 hnua a pung awm loa rulh turin Rs vbc. 100 loan lak tum a ni a, Externally Aided Project hnuaiah Rs vbc. 261.13 chu grant hmanga hmuh beisei niin, chung zinga Rs vbc. 19.34 chu loan tur a ni.
NABARD hnuaiah Rural Infrastructure tihchangtlun nan Rs vbc. 170 hmuh beisei a ni a, Rural Local Body Grant atan Rs vbc. 71, Urban Local Body Grant atan Rs vbc. 35 leh Health Grants-ah Rs vbc. 31 dah a ni.
Mizo \halaite All India Service leh Central Service-ah a tam thei ang ber an luh theih nan Mizoram Youth Commission hnuaiah Rs vbc. 2.60 dah a ni. Mi sual kut tuar emaw, an chhungte emaw hnena pek tur Mizoram Victims of Crime Compensation Fund siam a ni dawn a, Rs vbc. 1 dah a ni.
Sorkar Flagship Programme SEDP atan Rs vbc. 700 dah a ni bawk a, MLA-ten an bial chhunga hmasawnna hna an thawhna tur Rs vbc. 60 dah a nih laiin; Autonomous District Council pathumte sum hman turin Rs vbc. 492.03 dah a ni a, kum kal meka sum ruahman aiin zaa 9.08-in a sang zawk.
Lunglei Municipal Council bul \anna atan Rs nuai 80 dah a ni a; Sinlung Hills Council tan Rs vbc. 6.01 leh Sialkal Range Development Council tan Rs vbc. 2.14 an dah tel bawk.