Thlauh palh pawha himna tha tak pe thei tur Corning Gorilla Galss Victures leh 120Hz refresh nena thuam, 5.92-inch Full HD+ AMOLED display awmna ni bawk Asus 8z hian 240Hz touch sampling rate a nei ang.
HDR10+ certification leh 112 percent DCI-P3 colour gamut nena kan hmuh tur ni bawk hi Qualcomm Snapdragon 888 SoC chak tak hmanga run a ni dawn a, 16GB RAM leh 256GB internal storage lian tha tak a chhawm tel dawn. Android 12 out-of-the-box a nei tel ang a, 4000mAh battery, 30W fast charging a mil thlap.
Hnung lamah hian 64MP f/1.8 Sony IMX686 primary sensor (OIS) leh 12MP ultra-wide camera (f/2.2 aperture) a invuah a, ultrawide sensor hi macro shots tan siamrem a ni bawk. Selfie leh video shooting buaipui turin 12MP dah a ni.
Asus 8z hi tui leh vaivut khu lakah IP68 rating pek a nih vangin him thawkhata ngaih a ni a. Connectivity bikah chuan 3.5mm headphone jack, Wi-Fi 6E, Bluetooth 5.2 leh thil dangte a chhawm tel.