Ft 300-a thuk khur-ah naupang tla


Mipa naupang kum sarih mi chu Madhya Pradesh-a Damoh district-ah Pathianni khan feet 300 zeta thuk khurah a tla a, chhanchhuah hna thawh mek a ni tih police-in an sawi.
Hetiang hi ni li lek chhunga he state-a a thlen tum hnihna a ni tawh.
Pathiannia thil thleng hi Barkheda khuaah a ni a, Patera police station huam chhunga mi niin Domah district khawpui atanga km 45 vela hla a ni.
Mipa naupang, Priyansh an tih hi a pa, Dharmendra Athya-a’n khur a siamah a tla palh a, a tlak hun hi chawhnu dar 1:00 vel niin a pain a bul maia lovah hna a thawh lai niin Patera police station in-charge Shyam Bihari Mishra chuan a sawi.
Naupang hi a mawng thleng thla lovin khur ko atanga feet 10-15 vela thukah a tang a ni.
Thil thleng an hriat veleh police thuneitute hi kal nghalin chhanchhuah tumin an bei nghal a ni.
Tual chhung thuneitu dang leh health department thuneitute pawhin a hmun hi an pan nghal tih a sawi bawk.
Ningani khan Badarchhad khua, Umaria district-ah mipa naupang kum thum mi chu feet 200 chuanga thuk khurah a tla tawh bawk.
He mipa naupang hi darkar 16 zet lak chhuah tuma beih a nih hnuah Zirtawpni khan lak chhuah a ni a; mahse, damin an la chhuak hman ta chuang lo a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427