Serie A : Milan khaw club pahnihten point an hloh

Serie A hmahruaitu AC Milan chu 1-1 in an mualah Zirtawpni zanah Udinese in an chelh a. Point khat ve ve an insem.
Nimahsela Milan in point an hloh zanah hian an hmelma leh anmahni umtu ni mek champion lai Inter Milan pawh an chak zawh loh avangin Milan hi table chung berah an la awm.
San Siro-ah Udinese hi first half a chance nei \ha zawkah an \ang a, mahse minute 29-naah Milan in hma hruaiin goal nawr hlauhawm pangngai tak an neih hmasak ber a\angin Portugal forward Rafael Leao chuan goal a khung a. Tun season-ah goal 11 a khungna chiah a ni.
Udinese erawh team hlauhawm zawkah an \ang chhunzawm a. An phu ang takin minute 66-naah goal an khung a, Destiny Udogie chuan goal a khung.
Huntawp dawnah Leao bawkin Milan chakna goal a khung teuh a, mahse goal line a\ang a goal khung tur an petchhuahsak.
Milan coach Stefano Pioli chu an goal chhuahah a lawm lova, handball a tel ngeiin a hria. “An goal-ah khan handball a tel ngei. Referee in a hmu lo a nih pawhin ngatinge VAR in a hmuh loh. VAR hi hetiang tihsual awm thei atana hman tur hi a ni.”
“Udinese khan goal an khung tho mahna a, mahse kha goal kha chu kut a tel avangin pawm theih lohah ka ngai.” a ti.
Stadio Luigi Ferraris-ah Inter Milan in first half a goal khung theihna hun\ha engemaw zat an bawhpelh an tuar a. Genoa nen goal inpe lovin an inhnehtawk.
Champion lai hian chawlhlawk zawhah goal hlauhawm siam an harsat a, Genoa zawkin Stefano Sturaro hmangin hnehna an chang teuh.
Hetihlai hian Inrinni zanah Juventus in an chung amite hnaih sawt turin hnehna an chang a. Dusan Vlahovic goal hnih leh Moise Kean te goal hmangin Empoli 3-2 in an hneh.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427