Premier League club Leeds United chuan tunhnai match hnuhnung panga chhunga goal 20 an chhuah hnuah an chetchhiat a tam zawk avangin an head coach Marcelo Bielsa chu an ban.
Kum 66 mi Argentine coach hi kum 2018 June thla khan Leeds United hian an chhawr \an a. Premier League-ah kum 16 hnuah kaisanpui mahse tun season-ah point hnih chiahin relegation zone an hlat mek.
Season liamta khan Bielsa hnuaiah hian Leeds United hian beisei khum a Premier League-ah kirin pakuana an hauh a. Tun season-ah beiseina sang mahse hmasawn aiin hnungtawlhna a thui zawk.
Leeds United chairman Andrea Radrizzani chuan, “Marcelo hnuaia hlawhtlinna kan neih tawhte avangin he thutlukna hi siam a harsa zual a. He club kalphung leh rilru puthmang hi a thlak danglam chiang hle a ni.” tiin a sawi.
Bielsa thlaktu atan hian RB Leipzig coach hlui Jesse Marsch hming chu a ri ring hle.