Rimawi khawvela zai intihsiakna lar tak, Eurovison Song Contest-a Russia tel an remtihzet hnu ah thutlukna sut lehin, tel an phalsak leh dawn lo niin, European Broadcasting Union (EBU)-in a puang.
Ni khat liam ta kha chuan Russia an tel remchan lohna a awm love, an ti zet kha a ni a, mahse thil awmdan ngun taka an zirchian hnu-ah rang takin an thutlukna an sut leh nghal.
Kartir lam khan Ukrtanian broadcaster UA:PBC chuan EBU hnen-ah Russia chu Eurovision membership a nihna atanga paih a, contest-a tel phalsak lo turin a lo ngen tawh a ni.
He an ngenna hi Iceland, Finland, Norway leh Netherlands te chuan rang taka thlawp zuiin, contest-ah Russian hmel hmuh an duh dawn loh thu-in an chhânglet ve bawk.
Indo chochhuaktu Russia hian kiltin reng atangin beihna a tawk chho ni berin a lang a, khawvel rampumah a chetdan duh lohna nasa taka lantir chhoh ni zelin, a bial a zim sawt hle. Russia ramin a thlen tur 2022 Champions League final chu Paris-ah sawn a ni tawh a, september thlaa Sochi, Russia-a neih tur F1 Russian Grand Priz pawh cancel a ni.