Agriculture Minister C Lalrinsanga’n Mizorama lo neitute zingah Farmers’ Pension Scheme hnuaia inziak lut 283 an awm tawh thu sawiin, pension pek erawh an la awm lo tih house a hrilh.
Nimina Assembly session-ah Congress member Lalrindika Ralte zawhna chhangin agriculture minister chuan Farmers’ Pension Scheme hnuaiah inziak lut 283 an awm tawh thu sawiin, an chhinchhiah danin Aizawl-ah 32, Champhai-ah pasarih, Kolasib-ah pali, Lawngtlai-ah 197, Lunglei-ah 15, Mamit-ah 12, Siaha-ah pakhat leh Serchhip 15 te an nih thu a sawi.
C Lalrinsanga chuan Farmers’ Pension Scheme chu September 24, 2019 khan Mizoramah tlangzarh a nih thu leh he scheme hnuaia in-register theite chu kum 18 atanga kum 40 inkar an nih thu sawiin, “Kum 60 an tlin hunah pension hi an la thei dawn,” a ti.
“Kum 40 mi in-register hian pension an lak theih nan kum 20 an nghah a ngai,” tiin, Mizoramah he scheme hi kum 2019 atanga tan chauh a nih avangin pension pek an la awm lo tih a sawi bawk.