Serie A : A chung berah Napoli

Napoli tan huntawp dawna Fabian Ruiz goal khung chu hnehna chan nan a tawk a. Lazio lakah 2-1 a chakin Serie A table chung ber an luah.
Stadio Olimpico-ah hian a mualneitu lam Lazio in first half-ah hun tam zawk chhung a khel\ha zawkah \angin an langsar zawk a. Luis Alberto hun\ha neih hmang a goal khung thei an ni.
Second half-ah Napoli an insiam\ha a, Lorenzo Insigne hmangin minute 62-naah hma an hruai a. Khung belh lehnghal thuai mahse a goal hnihna erawh offside avangin pawm a ni lo.
Lazio tan Spanish veteran Pedro chuan minute 88-naah an si phurh a sut a. Inhnehtawk lam an pan laiin Spanish midfielder Ruiz chuan minute 94-naah chakna goal a khung.
Partenopei hian AC Milan chu point hmuh zat intluk mahse goal difference-ah an khum.
Napoli coach Luciano Spalletti chuan a team in anmahni sawisel \hintute an chhanglet nia a hriat thu inkhel zawhah a sawi a. “Chak kan phu zawk a, mi tam takin he team hian khauhna leh huaisenna a nei lo an ti \hin a. Zanin kan inkhel hi hmu se sawi tur an hre tawh lovang.” a ti.
Inkhel dangah AS Roma tan Tammy Abraham chuan penalty a\angin minute 99-naah goal a khung a. 1-0 in Spezia an hneh hram.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427