- Robert Zoliana
Dul a kiar tawhin emaw taksa rihna a pun hluai tawh chuan tihniam leh tihthep a harsa talh tawh mai a. Taimak a ngai a, thatchhiat a theih loh bur. Engpawhnise, zingkara thil ho te tih atanga taksa rihna tihhniam (Weight loss) emaw paih dan chi 6 hi ngun takin i chhiar dawn nia:
Hmâ taka thawh
Zing hmâ taka thawh han tih vanga mut kham lo ber bura thawh nulh sawina a ni lo. Weight loss (WL) i duh tak tak chuan mut i kham thin tur a ni ang. Chutiang bawkin, hmâ taka mut a, hmâ taka thawh hi WL nan a tha hle. Zing thawh veleha phone kheuh neuh neuh leh bih ngur ngur nghal nun kha sim tur a ni a, breakfast hrisel tak ei tum ang che. Zingkar atanga mood a fuh a, hrisel taka bul i tan chuan i nileng nun a hahdam ang.
Workout mumal neih
Zingkara exercise la thin hmeichhia te hi WL lamah hma an sawn chak hle a, ei leh in lama thlemna an do chak lehzual niin, journal Medicine and Science in Sport and Exercise-ah tarlan a ni a. Exer la taima te hian ei leh in te pawh an uluk hle thin. Zingkara hunbi nei leh mumal taka exer i lak hian WL a tanpui a ni mai lova, taksa peng hrang hrangte tan malsawmna hlang niin, chakna leh thothang thatna pawi-mawh a ni tel.
Tui in tam la
Zing kara tui in loh a pawi thei. Thawhveleh tui in a pawimawh em a, kan taksa zaa 70% hi tui a nih miau avangin a thunkhah leh a chawm nun kawngah hunbi neia tui in tam a tul ang. Hei hian chaw paitawihna kawng a pui hle a, taksaa tûr hlauhawm te a tleng fai thei a ni. Tui in tam na na na chuan ril\am te pawh a zia viau thei a nia. Lemon tui te pawh hi in fo a tha bawk ang.
Tukthuanah protein tamna ei ang che
Engti ang khawpa buai thin pawh ni la, tukthuan ei loh mai mai te ching suh! Tukthuanah hian protein tamna ei uar a pawimawh. Hei hian chhun lama riltam tur a veng thei a, metabolism a tichak bawk nen, a tangkai. A thu hrimah protein hi taksa thahrui tan a banpui a ni a, chakna tur atana Inpui a ni tel. Artui, bawnghnute, Dal, nutrela, almond leh peanut ah a tam.
Rilru vawng tha la
Stress i nei thin a nih chuan a tihziaawm dan emaw tihdamna lam ngaihtuah vat a tha. Stress vang-in kan taksa hian stress hormone- Cortisol a ti-chhuak vak thin a, hei hian rihna a tipung thei. Chuvang chuan, rilru hahdam leh engthawlna nei ngei tura insiamrem thiam a tul hle. WL i tum a nih chuan stress umbo a ngai.