Khawchhak atanga kuhva tawlh hi dan dik lo a nih chuan. . .
Kuhva rah hmanga sumdawnna boruak a la lian reng a, khawchhak kuhva rah nghawng hi a la reh mai dawn lo niin a lang. Sorkar mi leh sate hial khin an ni a, sorkarna chelhtu lam atang erawh chuan thawm lian hriat tur a la awm lo reng a, kan hriat theih berah pawh police lal inrawlh an awm lo, tih a la ni zel bawk.
He khawchhak atanga kuhva ro tawlh hi a tawp mai lo a nih chuan buaina nasa zawk hi a thleng lo ang tih a sawi theih loh a, sorkar berin a haider luih chhung chu a kal ngaiin a la zel pawhin a rinawm bawk a ni.
Assembly session neih mekah Mizoram sorkar Home Minister chuan, Kuhva rah tawlh ruk chungchangah police lal inrawlh tih hriat an nei lo tih sawiin, “Social media thenkhatah chuan a lo lang a nih pawhin chiang taka report emaw, chiang taka sawi emaw a awm lo,” tiin a sawi a, a sawi chin zawng hi an inrawlh loh chin a ni mai ang em? Nge, an inrawlh lo tak tak ni ang tih pawh hriatthiam a har ta hle.
Hre zau zawkte sawi dan chuan thuneitu sang zawk leh thupek bawhzuitute kut nasa taka phuar a ni a, chuvanga kuhva rah tawlh pawh hi la kal reng a ni bawk. Hei hi a dik ngei em tih pawh hriatthiam a har chho ta hle bawk.
Engpawhnise, thil tisualtute leh dan dik lova thil tite chu an awm ngei niin a lang a, hmalakna lam a muang ruih zel pawh hi ennawn zui theih ni se la, sorkar hian dan dik lo nia a hre tak zet a nih chuan na zawkin titawp tura hma a lak ngei i beisei phawt teh ang u.