Cheng 14,990 vel thehchhuah harsa lo tan Sony kutchhuak headphone tha tak chu India-ah tlangzarh a ni ta a, blue leh black color duhthlan tur a awm ang.
Bass ngaina zual tana a bik taka siam Sony WH-XB910N ah hian drivers leh eardrums inkarah level tihsan a nih avangin a ngaithlatu tan sound dynamic a fiah lehzual dawn a. earpad hi oval-shape a nih bawk vangin vuah a nuamin, darkar rei takah pawh harsatna a thlen lovang.
Headphone hi ‘Precise Voice Pickup Technology’ nena thuam a nih vangin audio signal manna kawng-ah a chakin, voice calls thlengin a fiah kak mai ang. A thuhrim ah Sony hi noise cancellation thiamnaah hriatlar an nih rualin, hetah hi chuan Adpative Sound Control thiamna a keng tel tlat mai a, chumi awmzia chu he thil hian i chetdan leh awmdan kha headphone kaltlanga hriat theihna turah a pui dawn che tihna a ni a, i awma hmun azira ambient sound level kha a lo siamrem zel tawh ang.
Wirless headphone changkang tak hi Sony chuan backup atan darkar 30 a hlui dawn che a, hei hi tunlaia mid-range standard te pawh a tih theih. Minute 10 chhung lek quick charge hman keuh a, darkar 4.5 thlenga extra play time a hlui bawk ang che.
Bluetooth nena thlunzawm theih a ni a, Google Assistant leh Alexa hmang pawhin i thunun thei bawk dawn. Sony vék hian ‘Swift Pair’ thiamna hmangin Bluetooth connectivity kaltlangin Windows 10 PC te pawh rang takin a thlunzawm tir thei dawn che a ni.