Chennai chuan mayor an neih tawha naupang ber leh Dalit hmeichhe zinga a hmasa ber turin rorel lai, Dravida Munnetra Kazhagam (DMK) chuan kum 28 mi, R Priya (28) chu an rawt.
Mayor leh Greater Chennai Corporation (GCC) chairperson thlanna hi Zirtawpniah neih a ni dawn a. DMK hian councillor 200 awmah 153 an nei sa a, Priya-i hi thlan chhuah ngei a nih a rinawm.
Councillor 153 bakah hian DMK thawhpuituten 25 an la nei bawk.
Priya-i hi Chennai-in mayor hmeichhia an neih pathumna tur a ni dawn a, a hmain Tara Cherian leh Kamakshi Jayaraman an lo nei tawh.
DMK MLA Chengai Sivam-a tunu, Priya-i hi politics-a inhmang tak chhungkua atanga chhuak a ni a. A pa, R Rajan pawh DMK-ah hian co-secretary a ni tih News Minute chuan a tar lang a. MCom degree nei a ni.
Priya-i hi Ward No. 74 atangin councillor atan thlan a ni a, tun hnaia tual chhung inthlanah an party hian hnehna an chang chiang hle.