Ed Sheeran maw, mi hla ‘idea’ rûk ching: Lawyer

British zaithiam Ed Sheeran chu mi hla copy chungchangah High Court-ah hial a ding ta. A hla lar, ‘Shape of You’ hian buaina neuh neuh thlen chho mek zelin, midang hla copy a, mahni phuah/siam ang maia tihchhuah chinga puhna a ri ring bawk.
Kum 31 mi hian zirtawpni kalta khan high court-ah dingin, 2017 kuma a hla hit tak hi hlaphuah thiam pahnih Sami Chokri leh Ross O’ Donoghure te chuan an hla siam, ‘Oh Why’ nena inzul hle a, a la-chhawnga nual nia puhna chu Suit dum leh tie nena inthuam thlap Sheeran hian nasa takin a pha.
Hla phuah thiam pahnihte chuan ‘Phrase leh line thenkhat’ lak rûkna awm ngei tih an sawi chiang nawnleh a, ‘Oh Why’ hla nen sawi hran theih loh khawpin a in-ang hle, an ti.
He thubuai lian angreng tak hian a lo berah kar thum vel a awh tura beisei niin, judge Antony Zacorli ngei pawhin hla pahnih hi court-ah a ngaithla nghe nghe. Hla phuahtu pahnih lam aiawha ding Lawyer Andrew Sutcliffe chuan judge hrilhin, hla pahnih te hi in-ang tak an nih thu te bakah, a ruk-a copy a nih ngei thu te’n a hrilh bawk.
Sutcliffe vék hian Sheeran hi mi ‘idea’ rûk ching tak, a châng phei chuan a lakna idea neitute sawi lang duh miah lovah a puh bawk. Sheeran-a lawyer te erawh chuan ‘Shape of You’ hla an siam lai hian ‘Oh Why’ hla hi an la hre ngai lo hrim hrim, tiin \an an khawh nasa hle.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427