Hmeichhe laka che mawi lova hnam dang zirtirtu man


Rajasthan mi, Kendriya Vidyalaya, Tanhril-a zirtirtu hnathawk, Suresh Chandra Meena chu February 28, 2022 zan khan Aizawlah hmeichhe laka che mawi lova puh niin, Mizoram police-ten an man a, a lakah thubuai ziahluh a ni.
He thil thleng chungchangah hian Mizoram Gorkha Youth Association (Central) leh Mizoram Gorkha Women Association (Central) hruaitute chu Inrinni khan an thukhawm a. “February 28, 2022 zan khan Gorkha hmeichhia pawngsual leh thaha vau a ni a, he thil thleng rapthlak taka mawhphurtu, Suresh Chandra Meena, Dausa district, Rajasthan mi chu dan hnuaia a na thei ang bera hrem kan phut a ni,” an ti.
MGYA leh MGWA central hruaitute chuan Gorkha hmeichhe laka mawi lo taka che chu ngaihnathiamna tel lova a chungchang ngaihtuah turin thuneitu an ngen a. Pawikhawihna tuartu chu damdawi ina enkawl ngai hialin a awm a, a rilru leh taksa nasa taka hliamin, depression nasa takin a tlakbuak zui niin an sawi bawk.
Suresh Chandra Meena hi police kutah awm tawhin bail a dil nia an hriat thu an sawi a, bail dilna chu phalsak lo turin thuneitute an ngen tih an sawi a. Zirtirtu a nihna atang pawhin suspend ni tawh mahse, suspend mai ni lova ban turin Kendriya Vidyalaya Sangathan hotute an phut tih an sawi bawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427