Assembly inthlanna state pa-ngaa paliah BJP-in sorkar inring


BJP national spokesperson Gopal Krishna Agarwal chuan February leh March thla tir lama assembly inthlan neihna panga zinga paliah chuan sorkarna an siam ngei dawn tih a sawi.
Sorkar laipui leh state hrang hranga BJP kaihhruai sorkar hlawhtlinna thlirin, Uttar Pradesh, Uttarakhand, Manipur leh Goa-ah sorkar an siam ngei dawn a, Punjab-ah pawh hma an sawn niin a sawi.
“BJP hian state pangaa paliah hian sorkar a siam dawn a, Punjab-a kan dinhmun pawhin hma a sawn dawn a. Uttar Pradesh-ah chiang takin kan sorkar dawn a. Uttarakhand pawh kan ta tur a ni a, Manipur leh Goa-ah pawh keini lo an awm lo,” tiin Agarwal hian Hindustan Times-in an kawmnaah a sawi.
Agarwal hma hian BJP hruaitu lawk tak tak -party president J.P Nadda, Union Home Minister Amit Shah leh Uttar Pradesh Chief Minister Yogi Adityanath te pawhin Uttar Pradesh, Uttarakhand, Goa leh Manipur-a hnehna an chan tur thu hi huai takin an lo sawi tawh.
Uttar Pradesh bik sawiin Agarwal chuan, he state hian eibar dinhmuna thanna turin theihna sang tak a nei a; mahse, ei ruk hmang leh hlemhleten an awp vangin a thang lo niin a sawi.
Agarwal hian Kashi, Gorakhpur leh bial dang dang a tlawhna atangin Uttar Pradesh-ah hian an chak ngei rinna nghet tak a nei tih a sawi.
“Uttar Pradesh mipuite hian BJP-in kum nga liam ta chhunga an thawh kha tha an ti a. Pu Modi-a’n kum sarih chhunga a thawh emaw, Pu Yogi-a’n kum nga liam taaa thawh emaw pawh khan Uttar Pradesh-ah hian dan leh thupek kenkawhna lamah hma nasa takin a sawntir a. Sual leh danin a phal loh titute chu lung inah khung an ni a, an thil neih pawh hren a ni a. Police-ten zah an kai tawh a, a hma zawng kha chuan police-te hi zah an ni ngai lo. Dan leh thupek kenkawh dinhmun a tha a, hmeichhiate pawh zalen takin an duhna hmun hmunah an teihawi thei a, Samajwadi Party mite chuan heng hi sawi tur an nei lo,” a ti.
Entirnaah thlawhna tumhmun thar 13 te, expressways thar paruk leh ‘One District One Product’ scheme te party national spokesperson hian sawiin, “Hmasawnna, hmasawnna ruhrel din, dan leh thupek kenkawhnain hma a sawnna leh Uttar Pradesh hmun pawimawh laia thanna thleng hi a hlu a. Hengah hian Pu Modi-a leh Pu Yogi-a hian an ti tha tak zet a ni,” a ti.
Thla khat zet chhung thawh sariha Uttar Pradesh inthlan hi Thawhtanni khan vote thlak a tawp ta a. Vote tlate hi state dang palite nen March 10-ah chhiar a ni ang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427