Larsapin mipuite hnena bank tang-kaina leh mawhphurhna zirtir uar tul ti


Larsap Hari Babu Kambhampati chuan Mizoram mipuite hnena bank tangkaina leh mawhphurhnate uar zawka zirtirna pek a tul a sawi.
Larsap chuan nimin khan State Bank of India (SBI), Mizoram hotute chu Raj Bhavan-ah a kawm a. Mizoram mipuite hnena bank tangkaina leh mawhphurhnate uar zawka zirtirna pek a tulna leh social security scheme hrang hrang dil theihte chungchang sawi uar a tul dan te sawiho a ni.
Larsap chuan SBI bik chuan central sorkar hnen atanga dawn theih scheme tha tak takte kalpui kawngah leh insurance scheme kalpui kawngah a thawk tha thawkhat tih a sawi a, pawl hruaitute leh mi vengva zawka ngaihte pawhin heng scheme hi an la hmelhriat chiang lo hle tih a hmuhchhuah thu bank hotute hnenah hian a sawi.
Scheme tha tak tak – PMSBY, PMJJBY, APY, PMJY, SUI leh thil dangte atanga hamthatna, Mizoram mipui tam zawkin an dawng lo chu pawi a tih thu larsap chuan sawiin, kuthnathawktute leh sumdawngte tana tangkai – PMMY, PMEGP, KCC, MSME leh thil dangte pawh mipuiin an la hrechiang lo hle nia a lan thu a sawi.
SBI, Mizoram hian branch 46, CSP 27 leh ATM Booth 106 an nei a. Saving Bank leh Current Account 3,20,357 an enkawl a; December, 2021 thleng khan Rs vbc 5,319.38 an la lut a, Rs vbc 2,264.26 an puktir.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427