Synod Moderator Quarter-ah kan leng lut

  • David Zochhuanmawia (Vida Hrahsel Saza)

March 5, 2022 khan C. Lalrochhara (Rotea), Durtlang Leitan tlangval nen Synod Moderator, Rev. Dr. Vanlalnghaka Ralte Quarter, Mission Vengah kan lêng lut a. Kan lenna chhan ber erawh Congress Party President, Pu Lalsawta lehkhabu ziah “|HAT LOH THEIH LOHNA BÂWM” tih lehkhabu va hlân (present) tura kal kan ni. Mahni fel lohna thlir pheichuan ka luhna tûr in (house) a ni ve lo ang a ka ti rilru neuh neuh a. Mahse, Pathian rawngbawltu bula titi chu a thlamuan thlakin, a hlu bik riau a. Ka ngaihhlut êm avangin heti hian Article angin a thusawi \henkhat ka rawn ziak chhawng teh ang. Thâmral atan ka ui êm mai!

A verandah-a kan \hutfel hnu chuan thingpui paw thlum leh chhang tui tak chu a fanuin min rawn chhawp nghal a. Kan ei a kan in pah chuan titi kan \an chu a ni ta reng a. A felin a polite em em mai a. Ka awmna vêng leh ka hming (min koh dan thlengin) min zawt a, kan titi zui ta bawrh bawrh a. March 4, 2022 a Mizoram sorkarin Chapchar Kût a lawmna hunserh (Thusawi) a hmante lo sawiin, Youtube lama kan lo thlir thute kan sawi hnu chuan…

A thusawi ka chhinchhiah \henkhat te –
Synod Moderator, Rev. Dr. Vanlalnghaka Ralte chuan, heti hian min lo hrilh a. “A fel apiang te, a dik apiang te, a thianghlim apiang te, a thangmawi apiang te,” tih lam kha ni tawh lovin, “A awlsam apiang te, a hlawk apiang te, a hausa apiang te,” kan ti tawh zawk a nih ber hi maw… Kan ram hi Development-ah chak takin \hang se ka ti lo. Kan mil tawk, kan phak tawk ang zelin \hang ila a \ha berin ka hria. Ram nuam kan siam theihna atana pawimawh ber chu mi hausa leh rethei inkar hi zau lo sela a pawimawh ber a ni, a ti a.

India ram pawh hi han thlir ila, a hausa te chu khawvel huapa lang pha hausa an tam êm êm laiin, riahna tûr in nei lo (Homeless) an la \hahnem êm êm si a nih hi! Hei hi ram nuam a ni ngai lo a, kan kal sual thui tawh hle tihna a ni, a ti a.

Kan tlai \helh a ni –
Mizoram pawh kan tlai tak tak hma hian dikna leh rinawmna hmangin, pamham lovin ram hi kaihhruai ni sela, chak taka \hang vut si lovin mi hausa leh mi rethei inkar hi zau lo sela, ram nuam kan siam thei mai dawn a ni, a ti. Ram chhunga chêng mipuite leh sorkar hi inhmangaih leh induhsak tawna kan kal a, harsa lutuk awm lo a retheite dinhmun zawi muanga siam\hat hi a pawimawh êm êm a ni, a ti bawk.

Kan ram sum leh pai (Budget) te pawh a hmanna tûr dik taka hman ni sela, Restricted Tender kan tihte pawh hi mi an lo dinchhuah ve na atan tia rilru \ha taka a petuin a pêk lai hian, a thawk thei lo tûr hnena chêng tam tak man hna inpekte hi a pawi zawk hlein a hriat a ni, a ti bawk.

Smuggling chungchang te pawh kan sawiho –
Rev. Dr. Vanlalnghaka Ralte chuan, DGP in MKHC anga lêng tûra min sawmna leh kan titi honaah, kuhva rah ro tawlh rûk a niha thil ti dik lo tute zawng chhuak a, dân ni lo (illegal) hmanga Smuggling kan tih ang zawng zawng hi chhui chhuah vek nise kan duh thu kan hrilh a. Mipui tana \ha ni lo bungrua (eg: Drugs, Kuhva, Rangkachak, Silai) dân loa rawn kalte pawh a tawp hlen theihna tûra hma la chhunzawm zel tûrin kan ngen a ni, a ti bawk.

Kan ram chhiat tawhzia a sawi zel naah, Rev. Dr. Vanlalnghaka Ralte chuan, Mizoramah hian mahni invenna atana silai kawl pawh hi kan awm fir fer tawhin a rinawm a. Tin, Security atana ui lian leh ui huai vulhte thlengin mahni kan invêng tawh a nih hi, a ti a. Mizo Society nuam tak kha a ral hret hret zel a, hê’ngte hian kan ram \hat tawh lohzia leh thil sual tih rûk a nasat tawhzia a lantir ni berin ka hria, a ti. Pathian \ih a pawimawhzia leh ram hruaitu leh a chhunga chêng mipuite kan inhmangaih tawn a pawimawhzia a sawi uâr hle a ni.

Ka irâwm chhuak ve thung –
Ram hruaitu ni tùrin mi rinawm, mi dik leh mi taima an ngai a. Pathian \ih mi leh eirûkna laka fihlim ni bawk sela. A bik takin Chief Minister (Leader) ni tûr phei chuan mi pamham lo (Clean) tak Mizoramin a neih hun hi a nghahhlelhawm êm êm a ni.

Pu CH Chhunga, Pu Laldenga leh Pu \henphunga te Chief Minister lai hre phak lo \halai hi a tam zawk kan ni tawh a. Pu Zoramthanga leh Pu Lal Thanhawla in Chief Minister chhawk hre pha hi chu kan \hahnem fû mai. Hemi avanga MNF leh Congress ning hi a awm theih viau dawn a nih hi! Mizoramah Regional Party lian pahnih a awm rei thei ngai lova, tin, ruhrel lian sa National Party Congress leh Regional Party MNF bawk an in sorkar chhawk leh \hin a, hruaitu insiamrem a awm ngai si lo a, kan inhnè nachhan bulpui ber niin a lang. Tunah erawh langsar taka insiamrem ngam Congress Party an rawn lang a. Pu Lal Thanhawla’n a dinhmun kianin hruaitu thar a ruat a nih kha! Engpawhnise, Chief Ministerial Candidate rau rauah Pu Lalsawta nge Pu Lalduhoma? Chief Minister la ni chhin lo ve veah hian tu nge \ha zawk ang?

A tlipna –
Kan sakhaw Puithiam kan tihte hian ram hi an lo vei hle a ni tih a lang chiang a. An beramte tan thlarau chaw chauh ni lo, an fairel bêl thleng phak ham\hatna te pawh a dik chinah sorkar a\anga kan hmuh ve min lo thlakhlelh pui hlê a ni tih a lang a ni. Kohhran kan tih, a pâwl leh sorkar hi chu a kal kawp thei ngâi lo ang a. Mahse, Kohhran mi, pâwl chhunga tel, Pathian \ih mi, a mihring leh sorkar hi chu a kal kawp thei chiang a ni. Sorkar siamtu chu mihring (mipui) kan ni a. Chutah chuan tute pawh hi kan leng a, Politics-ah hian kan tel vek bawk a ni. Ka \halaipui mithiam leh fing tak tak an la \hahnem tih a lang a, ram leh hnam siam\hat duh tak takte hi rawn penchhuak sela, ground pawn a\anga a fuh lohna lai sawia duhtawk mai lovin, ground chhungah ngei lûta ram siam\ha turin ngaihtuahna thar rawn nei zel rawh se.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427