Tunhnaia an beisei ang result an neih loh leh \hin chu Athletic Bilbao in an titawp a. Thawh\anni zanah 3-1 in table mawngphah a awm Levante lakah hnehna an chang.
Athletic hi inelna hrang hrang huapin an inkhel hnuhnung panga a\ang vawi khat chiah hnehna chang an ni a. An elpuite umna hun\ha an mualah an nei.
San Mames a inkhelah first half-ah Levante an \ang tlang hram a, mahse second half-ah Athletic dan theih an ni lo. Mikel Vesga chuan minute 63-naah goal hmahruai a khung a, Inaki Williams chuan minute 76-naah chhunzawmin Oier Zarraga chuan penalty a\angin an goal thumna a khung.
Levante hian Jorge de Frutos hmangin minute 91-naah goal a khung ve bawk.
Athletic hi palina a awm mek Atletico Madrid lakah point riat in an la hniam a. Season tharah UEFA Champions League emaw, Europa League tal khelhphak an tum.
An inkhel hnuhnung berah Copa del Rey-ah Valencia lakah an tlawm a. Hemi hma hian Barcelona lakah 4-0 in an mualpho tawh.
An coach Marrcelino chuan, “Vawiinah hnehna pawimawh kan chang a, league-ah kan dinhmun kan siam\ha. Valencia nena kan inkhelh hnuah khan rang taka kan thawh leh vat a \ul a, result na tak nei chungin kan team kan tho leh thei a ni.”
“Europe a inel pha thei tur zingah kan la tel a, kan tum tihlawhtling tur erawhin kan chetsual loh a paiwmawh a. Kan inkhel apiang hi final ang mai a kan ngaih a ngai tawh.” tiin an hmachhawp a hautak thu a sawi.
Levante hian season tir lam an chetchhiat an tuar a, Thawh\anni zan hma hian match thum a\ang erawh vawi hnih an chak.