Home minister in a thusawi a bawhzui tha ang em?
Aitlang, Buarchep leh Saihapui-V a Assam police awmte hnawhchhuah an tum thu Home minister chuan house-ah a sawi a, ramri buai leh inchuhna boruak karah kan tithei a nih ngat chuan a lawmawm ngei ang. Chutih rual erawh chuan state pahnih inkar thil a nih miau avangin a awlsam nghal vut dawn lo a, sorkar erawh a tan viau a ngai thungin a rinawm.
Home minister hian State Boundary Comittee pawhin a duh leh a beiseina chu engtik ni-ah emaw chuan “Hmaichhanah kan sawi ang tih a ni,” a ti a, Mizoramin ramria a pawm, Bengal Eastern Frontier Regulations (BEFR) 1875 chu an dinna a nih phawt thu leh, an inbiak dan leh boruak that dan azirin hma an la chhunzawm zel dawn tih thu a sawi bawk.
Ramri buaina avangin silai hial hmehpuah a lo ni tawh a, a sarhu laiin mi tam takin home minister an dem a, a bo rei mah mah nia sawiin, lakluh a nih ni baka thawm lian nei zui lo hialin an lo chhuah tawh bawk. Amahah hian rinna nghah tak tak a har an ti tawh hle.
Tuna house-a ramri chungchang a sawichhuah leh takah pawh hian mi tam tak chuan an lo chhinchhiah fal leh ngei bik pawhin a rinawm a, a sawi anga ramri chungchanga hmachhawp hrang hrang awm pawh hi a kalpui ngei theih nan hma la in, chetchhuah awlsam zel thei se a duhawm hle.