Covid-19 hripui thawh thumna ata tho chhuakleh mek Indian economy chuan lawmna tur chhan a neih zingah auto sector lam an inhralh tha chho zel hi a ni a, semi-conductors lama harsatna tawk bawk mah se, sales number han en chuan Indian automaker te tan beisei a sâng hle.
Maruti Suzuki Swift
Nikum 2021 leh kumin 2022 khaikhina a pumpui anga hralh tlakhniamna 5% ni chungin, Maruti Suzuki Swift hi February thla liam taa ramchhunga lirthei hralh tla ber niin, unit 19,202 hralh a ni.
Maruti Suzuki Dzire
Pahnihna hauhtu hi Swift unaupa an tih mai thin, Dzire a ni a, February thla liam ta khan unit 17,438 an hralh.
Maruti Suzuki Wagon R
Unit 18,728 hralh theiin Wagon R hi February thlaa pathumna hauh thei a ni a, hman deuh khan pakhatna dinhmun a lo hauh tawh bawk.
Maruti Suzuki Baleno
India rama car siamtu lian ber leh ngaina hlawh tak Maruti Suzuki premium hetchback hian February khan Baleno unit 12,570 an hralh.
Tata Nexon
Indian market-a himna lama dahsan tak Tata kutchhuak demand a sâng thei hle a, Nexon bikah February khan unit 12,259 hralh a ni.
Maruti Suzuki Ertiga
LUVs huang chhunga tha ber zingami Maruti Suzuki Ertiga hi February khan unit 11,649 an hralh-chhuak.
Maruti Suzuki Alto
Kum tam tak chhunga hralh tla ber position vawi tam lo hlimpui tawh Maruti Suzuki Alto hi pasarihna ah awmin, Frbruary khan unit 11,551 an hralh.
Mahindra Bolero
Han en mai pawha khauh tha leh kawng chhengchhe ngam tak ni bawk Mahindra kutchhuak Bolero hi February thlaa khan unit 11,045 hralhin pariatna a hauh.
Hyundai Venue
Top ten tawp khar hmâ lawkin, compact-SUV huanga rorelna fawng chelh mek nia sawi hat hat hian unit 10,212 hralh thei mah se, nikum hmasa nena khaikhin erawh chuan a tlakhniamna 9% a ni thung.
Maruti Suzuki Celerio
CNG option duhthlan tur awm ta, tangkai tak ni bawk si Maruti Suzuki Celerio hi February khan unit 9,896 an hralh.