Wolverhampton Wanderers forward Pedro Neto chuan kum nga contract thar a ziak a, kum 2027 thleng Molineux Stadium-ah cham turin inremna thar an ziak.
Kum 22 mi Neto hian kum 2019 nipui laiin an ram club Braga a\anga Wolves a zawm hnuah an tan vawi 83 a inkhel tawh a. Season liamta khan club player of the season-ah an thlang.
Wolves tana goal 10 khung a, midang khung tur vawi 11 siamsak tawh Neto hi nikum April thla khan a khup a tihnat avangin a inkhel lo rei a. Thla hmasa a\ang khan inkhel leh thei chauhin tun season-ah league match li-ah khelmual a lut ve tawh a, vawikhat chiah erawh bul a la \an.
“He club-ah hian hlawhtlinna hrang hrang nei a, sang tak kan thlenna turin theihtawp chhuah zel ka duh a. Hetiang ti thei tura theihna hi kan nei tih ka chiang bawk.” tiin Neto chuan contract thar a ziah chhan a sawi.