SunScrEEn’ nen
A lo berah SPF 15 awmna tal i hman ngei a ngai a, a tul dan a zirin Ni zung atanga lo chhuak UV Rays hlauhawm lakah SPF 30+ te pawh i hmang thei bawk ang. Chhuah dawn aruaia hnawih vut vut tur a ni lova, i chhuah hmâ dakar chanve hmalamah i hnawih thin dawn nia. Hei hian result tha ber a chhuah. Pawimawh em ema chu, sunscreen hi moisturiser chungah hnawih tur a nih laiin, makeup anih erawh chuan a hnuai zawkah sunscreen i hnawih thung dawn nia.
conditioning MawlH KHa!
Khua a lum ani mai lova, a hul deuh huk a, sam (hair) phei chuan a tuar hle. Hetah hi chuan ‘Conditioning’ hi a pawimawh em em tawh a ni. Chawlhkar khatah vawi 3-4 vel emaw tal chu sam su fai thin la, hei hian thlan rimchhia leh thil bawlh-hlawh- khawlumin a kentel te a tifai thei ang. Tin, nisa leh khawlum hian sam a tihro hma em avangin sam tihro (blow) chiam hi tih loh a tha.
i HMui
Thlasik laia ngaihpawi-mawh leh duat a hlawh viau laiin, nipui lai hian ngaihthah a ni fo. Nipui laia i ngaihsak loh vaih chuan, a ro \hawt \hawt anga, a thap hruih bawk ang. Pâwn i chhuah hmâ khan sunscreen tlêm te i hnawih dawn nia. Mut hmâ-in, almond oil thianghlim farkhat vel hnawih a tha a, a nosar reng mai ang.
FangHMa ‘cool’ taK
A lûm a ni mai lova, a sa huam huam. I tawt ut ut em? Khai aw, i vun pawh khan tihvawh (cool) a mamawh ngawih ngawih a sin. In i thlen veleh chawl hahdam phawt la, a hnu-ah fanghma zailep kha i vun (i duhna lai laiah) han dah vang vang teh le. A theih phei chuan vun-a a tan/bet theihnan bawnghnute vawt nen pawlh la, hmaiah dah thin ang che.
MaKE-uP lEHzEl
Khawlum engang mah se, makeup i hman tho a ngai thin. A theih hram chuan, ‘foundation’ hi hman loh tur a ni a. A chhan chu, nipui lai chuan vun tan harsatna a siam theih thin vang a ni. Tunah khan in enchiang la, i hmai a bawl sep sep a nih chuan ‘foundation’ hi a kaikuang te zinga mi a ni thei tih hriat a tha. Moisturiser hnawih fo tur ni a, eng ang vun (type) pawh nei mahla, i thlahthlam thiang lo.
Sunburn!
Nia, sunscreen i hnawih that loh avangin i vun kha a kang (sunburn) ta a tiraw? Chuti a nih chuan, a rang thei ang berin, Aloe Vera extract emaw aloe vera awmna lotion kha a kanna laiah khan uluk takin hnawih la, rei vak lovah a dam mai dawn a ni. Aloe hian vun a timâm a, a vawng thianghlim a, sunburn te pawh a tidam hmâ thei a ni
EngngE la ngâi?
Nipui lai hian ni-hliap i mamawh a, lukhum parh khum hreh suh. I inhmeh lo i tih vanga khan i vunin a tuar tho si a, i chawibelh zawk mai ang. Chuvang chuan, nipui laia hâk tur (taksa tuam chhuak thei, lum lutuk si lo) hâk a, inbel thiam a pawimawh.
HEi ngEi Hi!
Tui intam a pawimawh tlat. Hunbi nei takin, nikhatah litre 2 tal chu ‘ngei ngei’ a ni mai. Kalna apiangah tui keng thin ang che. A theih chuan, ‘glucose’ te pawh inchhawp thin la, hei hian tui mamawh tlakchhamna tur tam tak a veng thei a, khawlum leh uap vanga chauh ngawih ngawihna pawh a tuam dam thei.