BJP Mizoram Pradesh President Vanlalhmuaka chuan State pali inthlana BJP in nasa taka chakna a chang hi Mizorama MLA thlanah pawh hnenah an chan theihna kawng a inhawng viau nia a lan thu a sawi.
State pali-a inthlanpui neih zawh taka BJP-in sorkarna a siam lawmna pualin nimin khan Atan Bhawan-ah inkhawm an buatsaih a. He hunah thu sawiin Vanlalhmuaka chuan, India ram state inthlanah BJP in nasa taka hnena an chan chhan chu Modi kaihhruai sorkar an la rintawk zia a lang tih a sawi a. Tun \um inthlana BJP chakna avang hian kum 2024 Lok Sabha inthlak a kawk nghal tih a hriat theih thu sawiin, hei hian Mizorama MLA thlanah pawh hnehna an chan theihna kawng a inhawng viau nia a lan thu a sawi.
Vanlalhmuaka chuan India ramah Congress chu chhiar tham lek an nih tawh thu a sawi a. BJP sorkarna kal tlangin India ram chuan hmasawnna nasa tak a hmuh mek thu leh Mizoram pawhin hmel thar a hmuhna turin BJP sorkar tir hi a mamawh ber a nih thu a sawi a. Mizoram CM Zoramthanga’n Lengpui Airport siam \hat mek chu NE-a airport \ha pawl a nih tur thu a sawi tuk lawkah a chim thuin Mizoram a deng chhuak leh nghal hi pawi a tih thu sawiin, “He Airport chim hian kum 2023 a sorkar lai chim tur a hrilh lawk bawk a ni,” a ti.
Mizoram BJP hian state pali inthlana BJP chak lawmna pualin inkhawm neih zawhah Vanapa Hall kawt, Millenium Centre kawtah leh Chanmari kawnah te ei tur an sem a ni.