NBA trade deadline-ah team pahnihten NBA chanchin a player-trade lian ber zing ami kalpui turin inremna an nei a. An star player, an hnen a\anga chhuah duh ve ve James Harden leh Ben Simmons te an inthleng hnuah Zirtawpni zing khan Brooklyn Nets leh Philadelphia 76ers te an inkhel a. Nets in 129-100 in hnehna an chang.
Wells Fardo Center-ah a team hlui hmachhawn turin Ben Simmons a khel lova, Philadelphia a inkhel a tel loh a team leh ama aiawhten an thlang zawk niin sawi a awm.
76ers mi thar Harden erawh a inkhel a, nimahsela inkhel pumpui a langsar ber chu Brooklyn Nets star Kevin Durant leh amah thlawptu Seth Curry leh Kyrie Irving te an ni.
Durant-a’n point 25 score in first half-ah 18 a score a. Harden-Simmons trade a an kal tel tir Seth Curry chuan point 24 score bawkin Irving-a’n 22 a score.
East a pariatna ni mek Nets hian tunhnaia an match hnuhung 10 a\ang vawi li an chakna chauh nimahsela Play-in tournament khelh ngai lova Playoffs khelpha turin beisei an la nei ve mek.
Hetihlai hian 76ers hi East a pathumna a awm mek an ni a. An star player Joel Embiid chuan point 27 leh rebound 12 a la a. Harden-a’n point 11 chiah a score thung. 76ers hi game ruk chhunga vawikhat an tlawmna a ni a, East finals khel tura rinkai zingah erawh an la tel.