Kartluanin mahni tulna hmun hrang hrangah kan phar buai a, hun awl leh hun thâwl nei hman mek lek lovin, nupui fanau leh chhungkaw tan kan feh-chhuak thin a, chauh a nâ!
Khai le, kartawp a lo thleng ta a, i ngaihtuahna atangin hna te kha dahtha la, hahdam taka film en turin inbuatsaih tan rawh le. Kartawp hi i film duhzawng en nan i hmang ang chu mawle.
Film en tur ber i hriat mai loh chuan kan kawh hmuh dawn che a, i tan chuan maw… hmehchhuah mai kha a ni e, a har lo.
Ryan Reynolds, Mark Ruffalo leh Jennifer Garner te channa, ‘The Adam Project’ hian time-traveling adventure drama pui tak a hlui dawn che a, Netflix-ah khan zawng rawh. Disney+ Hostar pawhin political thriller bon tak, ‘Maaran’ a hlui dawn che a, i bur nghal chat thei ang.
NETFLIX
The Adam Project
Science-fiction drama lam i tui chiah lo a nih pawhin, ‘The Adam Project’ film i en hnu ah erawh i ngaihdan i thlak deuh mai a rin-awm. Future chhanhim nana fighter pilot Adam Red leh kum 12 mi te’n mission pui tak an hlenchhuak hi time-travel film siam tawhah chuan kartawp hun khawhral nan a tlak ber, a ni mai lo’ng mawle!
Outlander Season-6
Kumhnih hnu ah kan nghak-chhuak ta nge nge a, Outlander series hian thrilling adventure a pawchhuak zo ber. Season 6-naah pawh hian hmaih thiang a nih loh-zia a chiangleh ta. Jamie leh Claire te channa hi March 7 khan Netflix-ah dah a ni tawh. Hmeh-chhuah kha i hna a ni e.
Once Upon Time Happily Never After
Kan hriat lar thin chu ‘Happily Ever After’ tih a nih laiin, hetah hi chuan a letling thawk! Eng lam hawi nge ni a, tia zawt kual lo khan March 11-a Netflix-a dah luh hi remote control hmang khan thurchhuak keuh rawh le.
DISNEY+HOTSTAR
Maaran
Kan duh emaw duh lo emaw, tui-pui emaw hneawm lam thil pawh ni se, potitics hian kan nitin nun a thunun a, mimal nun thlengin a nghawng tih i hre lo palh hlauh ang e! Political action thriller pui lutukah hian Dhanush leh Malavika Mohanan te’n engti ang chiahin nge i rilru leh ngaihtuahna a hnuh kal dawn i hre duh em? Investigative journalist Mathi Maaran chungchang a ni dawn a, journalist dik leh hriam tak mai hian thudik tarlan leh phochhuah lamah a tim ngai lo. Mahse, a thiante leh chhungte an inhnamhnawih tâk chinah chuan harsatna a tâwk chat. Politician corrupt tak chanchin tlang-zarh a tumna lamah a beisei loh leh rin loh tak dinhmunah a inhlangkai ta nulh mai.
AMAZON PRIME VIDEO
Upload Season 2
Sci-fi comedy lam i zawng ru deuh a nih chuan Robbie Arnell channa, 2033 kuma he khawvel awmdan tur suangsuahna mak sarang hailan tum rawh le. Virtual space-ah mihringte’n an hriatna hmanga duhthlanna an siam theih dan a awm a, mahse an thih hnu-ah duhthlanna siam thei an ni ang em? Ngaihtuah a ngai a ni.