ZPM Legislature Party Secretary Dr Vanlalthlana, MLA chuan Lengpui Airport chei \hat mek building chima mawhphurtu hi zawng chhuak a, dan anga hremna pe ngei turin Mizoram sorkar an phut tih sawiin, “Thil fel lo a awm a nih chuan a tawp thlengin kan umzui dawn a ni,” a ti.
Nimin khan Lengpui Airport chei \hat mek chim chu tlawhin, Dr Vanlalthlana chuan he chhiatna, hnathawktu hliam tuar awm leh hmasawnna sum tam tak engmah lo a chang ta mai hi pawi an tih thu an sawi a. “Assembly session neih zawh taka zawhna chhanna-ah khan, Airport-ah hian Rs vbc 47 chuang restricted tender-in pek a ni tawh a. Tuna Mizorama sorkar department 49 kan neih zinga department 21 hian Rs vbc 47 hi budget-ah an nei phak lo a ni. Hetiang zat zet sum sen a ni chunga a chim thei hi kan ngaih a tha lo,” a ti.
“He hnaah hian tute emaw ni man\ang ei an awm em tih te pawh session-ah kan sawi chhuak hial a, thil fel lo a awm a nih chuan a tawp thlengin kan umzui dawn a ni,” a ti bawk.
ZPM thuchhuaha tar lan a nih danin, tuna Airport cheina chim hi Baggage Make-up Area (BMA) niin hna thawktu hi KR Construction a ni a. April 21, 2021 daih khan hna thawh \an a lo ni tawh a. Hetiang a nih lai hian September 20, 2021-ah work order pek chauh a ni. Chumi awmzia chu KR Construction hian work order nei hauh lo leh ‘restricted tender’ hmingpu siin thla nga (5) vel hna a lo thawk tawh tihna a ni.