Leicester City in hnehna chan nan an veteran Marc Albrighton an mamawh a. A goal khung zarah 2-0 in French club Rennes chu 2-0 in an hneh.
Europa Conference League round of 16 first leg inkhelah hian kum 32 mi winger in King Power Stadium-ah minute 30-naah goal mawi a khung a. A goal khung turah Harvey Barnes a pawimawh.
Goal an khung hma in Ligue 1 a palina ni mek Rennes an khel\ha a, mahse goal an chhuah hnuah erawh Foxes in inrintawkna an neih belh zawk.
Bruno Genesio pawlte hian tlarhmaah Jeremy Doku tlanchakna leh huaisenna an hlauhawm pui a. Inkhel \an tir lam thununtu niin goal an khung lo erawh an uiawm hle ang.
Gaetan Laborde leh Jonas Martin ten goal khung theihna remchang an hloh ve ve bawk.
Inkhel a kal rei zel hnuah erawh Foxes an khel\ha tual tual a, Kiernan Dewsbury-Hall chuan chance \ha a nei a. Huntawp dawnah Kelechi Iheanacho chuan Albrighton-a siamsak a khung ve leh bawk.
Leicester City manager Brendan Rodgers chuan, “Keini aiin bul an \an \ha a, mahse goal \ha tak kan khung hnuah inkhel thununtu zawkah kan \ang. Rennes hi team \ha an ni a, team \ha laka inkhelh hi a nuam \hin.” tiin a sawi.
Ningani zan inkhel dangah AS Roma chuan Netherlands a\angin hnehna an hawn a. Vitesse Arnheim lakah 1-0 in hnehna an chang.
GelreDome a inkhelah hian Sergio Oliveira chuan halftime dawnah inkhel a goal awmchhun a khung a. Portuguese midfielder hi minute 78-naah hnawhchhuah a ni zui.
Dutch team hian ball chang tam zawkin goal an bawh na zawk a, mahse Jose Mourinho team an su tlang thei lo fo \hin.
Inkhel zawhah Portuguese manager chuan hnehna an chang chu an vannei nia a hriat rualin an tactic a fak.
“Halftime a hmahruaitu nih kha kan phu lova, first half-ah harsatna hrang hrang kan nei a, kan vannei hle. Second half-ah erawh kan khel\ha sawt a, a hnung lamah, goal ven kawngah phei chuan engkim kha kan thunun a, anni lam khan min tibuai lo. Nimahsela inkhel hautak tak erawh a ni ngei e.” tiin Dutch team goal nawr dan chu a fak tel.