Cristiano Ronaldo chuan kum 14 chhunga Manchester United tana a hattrick hmasa ber a siam a. An mikhual Tottenham Hotspur lakah a club 3-2 in hnehna a chanpui.
Old Trafford a inkhel hmuhnawm tak maiah Portuguese legend hian vawi hnih United hma a hruaipui hnuah an chakna goal a khung a. Huntawp nan minute 9 a la awmin Alex Telles-a corner chu a tauh lut a, professional football-ah goal 807 khung tawhin professional record-ah a nih aia goal khung hnem an awm lo.
‘The Ronaldo show’
Spurs in Harry Kane-a penalty khung leh Harry Maguire own goal hmangin United hi vawi hnih chhanglet mahse Ronaldo-a’n thutawp a chang a. Kum 2008 January a United tana hattrick a siam hnuah Red Devils tan hattrick a siam leh.
Inkhel minute 12-naah penalty area hmawr a\angin goal ropui a khung a. Minute 38-naah Jadon Sancho chetran rah sengin an goal hnihna a khung.
Kum 37 leh ni 35 a upa niin Premier League a hattrick siam thei upa ber dawttu a ni. Tunhnaiah Ronaldo hi khelmual chhungah team tan hna a thawk hnem lo ti a sel a ni leh \hin a, Spurs lakah erawh khelmuala a awmchhungin a hlauhawm tluan a. A goal khung bakah midangte tana defender pawt buaitu a ni fo \hin.
Manchester United midfielder Paul Pogba chuan, “Ronaldo hi buaina a ni ngai lova, a ni lo hrim hrim. Khawvela striker \ha ber neih hi engtiklai mahin buaina tur a ni lo. Vawiinah Cristiano Ronaldo a nih chhan kan hmu. Ama khel leh kan team pum kan khel\ha hle.” tiin a teammate a fak.
LWLWLWL
Tottenham tana season harsa a la tawp thei lova. Result \ha neih a la kaltluang chho thei lo.
Tunhnai Premier League game sarih a\angin hnehna \ha tak vawi thum an chang a, vawi li an tlawm.
First half-ah Ben Davies hmanga goal an khung chu offside avanga pawm a ni lova. Spurs hian point hmuh phu in khel mahse an vanduai zan an tawng a. An tih \hat \hin chu an chetsual in a nawtreh leh \hin.
Manager Antonio Conte chuan inkhel zawhah, “Kan result hi a na kan ti hle a, kan khelh\hat avangin tlawm hi kan phu lo. Cristiano Ronaldo kha nei lo se Manchester United tan khan chak mai ni lovin draw result neih pawh a harsat ka ring.” tiin a sawi ve bawk.