Hun rei tak hla copy thubuai chai a nih hnu ah Katy Perry-i’n a hla copy-a puhtu rapper hnen-ah zangnadawmna $Mtd. 2.8 a pek a ngai dawn ta lova, court-ah hnehna a chang.
Rapper Marcus Gray chuan 2014 daih tawh khan Perry khing buai tawhin, eight-note riff awmna a hla ‘Joyful Noise’ chu Perry hian, ‘Dark Horse’ ah a hmang ngei a ni, tiin a lakah thubuai a siamsak.
Hemi hnu lawkah rapper lam hawiin jury chuan thutlukna a siam ta a, $Mtd. 2.8 pawh hi pe ngei tura tih a ni hman. Mahse, judge chuan thlutlukna siam chu phet thlain, a melody hi danglam bikna emaw hriat zen zen a nih lohna a awm hran lo, tiin Perry hi thiam a chantir ta zawk a ni.
Judge pathum chuan Gray hi dik lo zawk leh thiam lo zawkah an puh let a, mawi lo taka boruak vaivung tum leh dik lo taka chetlak tumah ah an ngai a, 2014 kuma thubuai a put luh pawh kha hemi behchhan ni ah an pawm hmiah bawk.
Zaithiam lar tak takte’n heti anga hla copy rûk nia puhna thubuai an hmachhawn malh malh reng a, an buai hle. Tunah Ed Sheeran-a’n a hla, ‘Shape of You’ a talbuaipui mek a; Taylor Swift leh Dua Lipa te pawhin insawifiahna tur thubuai an hmachhawn ve mek a ni.