Aizawl : Thubuai hrang hrang rang zawka chin felna, National Lok Adalat chu Mizoram hmun hrang hrangah neih a ni.
National Legal Services Authority, New Delhi ruahmannain Mizoram State Legal Services Authority chuan ADR Centre Building sak thar, MINECO, Aizawl-ah National Lok Adalat hi buatsaihin, bench pakua a siam a, High Court Legal Services Authority-ah bench pakhat leh district hrang hrangah bench 15 siam a ni bawk.
Lok Adalat hian thubuai chi hrang hrang – in hmun buai chungchang te, pawisa inpuk chungchang te, maintenance te, compensation te, lei leh hralh chungchang te, guardianship te bakah loan recovery chungchang te ngaihtuah a ni.
National Lok Adalat-a hian thubuai 3,624 ngaihtuah a ni a, chung zinga thubuai 1,046 chu chin fel a ni. Pawisa chungchang thubuaiah pawh Rs. 9,50,84,943.28 zet inremna siam a ni.