MNF Adviser Lalruatkima, MoS chuan MNF sorkar chu union budget-ah chaw fun kep a nih thu a sawi.
Thawh\annia Mizo Hnam Rûn chhung inkhawm neihah thu sawiin Lalruatkima hian hripui kara chhuanchham awm lote chu Pathian malsawmna a nih thu a sawi a. “Pathianin he sorkar hi a hruai a, a hruai zel dawn a, a hruai zel ang tih ka ring. Aigupta a\anga Israel-te hruai chhuaka Tuipuisen hruai kaitu, ei tur an neih loh pawha petu Pathian kan nei a. Kan Pathianin min ensan ngai lo,” a ti.
“Union budget an han pharh, finance minister-in bamboo link road leh Aizawl by-pass road atan (Rs. vbc 600) chaw min lo fun kep a nih kha. Pu Hawla kha central-in chaw an fun kep ngai lo,” Lalruatkima hian a ti bawk.
Budget session neih zawh taka in-‘bye-bye’ chungchang sawiin, “Bye bye hmasatu (mipui hmuhah) an lang tawh si lo a, kan chhan letna chauh kha a lang,” a ti a. MLA-ten zawhna an zawh \hin dan chu hriat sa niin, chumi a\anga zawhna dangah khalh luh an tum \hin thu te, MLA \henkhatin an zawhna pawh an hriat chian loh thu te, thu dik chanve-a lar dan leh eptu MLA-te an taima tawk lo hlea a hriat thu a sawi.
“Supplementary demand sawiho phuttu zingah MLA term thum lo ni tawhte an tel a. Hei hi India rama tih ngai loh tih hretu an ni. Eptu lam khan mipui gallery an play a, a tirah boruak rawn neih viau tum mah se, a tawp lamah an zuih ta a ni,” a ti.
MNF adviser hian, “Manifesto kan nei a, chumi tihlawhtling tur chuan Pathian kaihhruaina zarah kan bei char char,” tiin, MNF sorkar chu damdawi mum lian a nih ber thu a sawi.
Congress party chungchang sawiin Lalruakima hian, “Congress chu special development scheme nen bei viau mah se, an kawl-awk tlat tawh. ‘|hat loh theih lohna bawm’ an zuar a, kum sawm chhunga \ha thei hauh lote kha an ni,” a ti a; midum innawh var tum ang chauh an nih thu a sawi a. Tun hnai state panga inthlang leh Congress chhiatzia thu sawiin, Central Working Committee meuh an \hukhawm a, tihngaihna an hre lo tih a sawi bawk.
Minister Lalruatkima hian ZPM chungchang sawiin, “Volleyball team khat daih OB an nei – president, working president, vice president panga bakah leader an la ti. Heng zawng zawng chungah hian val upa council an la awm. An office-ah Ashoka pillar ang maiin pawl pawla dawhkan kilin inhnungchhawn vekin an \hu \hin. Social media a\anga sorkar an tum a, tihlawhtlin a harsa hle ang,” a ti.
MNF hi mi \ha tak tak chher chhuahna a nih thu sawiin, “Congress president chu MNF MLA hlui a ni a, ZPM leader chu MNF general secretary hlui a ni bawk a. Mizoram BJP hotu pawh MNF joint secretary hlui a lo ni bawk,” a ti.
Airport building chimah tumahin PWD minister an thlen khalh loh thu sawiin, “Lengpui airport thil thlengah pawi kan ti em em a, ‘contractor-in a sensoin ti\ha leh rawh se’ kan ti a ni,” a ti. Congress hun laia lei panga chim leh Laipuitlang in chimte chu PWD minister inthlahdah vang a ni, a hmunah pawh a tlawh lo tih a sawi.