Aizawl : BJP, Mizoram pradesh-a Central scheme monitoring & vigillance cell-in Mizoram sorkarin MGNREGS material component chu eirukna khurpuiah a hmang nia sawiin, hei hi RTI hmanga an zawhna chhannaah a lan thu leh Mizoram Larsap Hari Babu Khambampati hnenah pawh an thil hmuhchhuah chu an thlen tawh thu an sawi.
BJP chuan MGNRE- GS material component hman dik loh chungchang chhuichhuaka a mawhphurtute dan hmanga hrem an nih theihna turin Larsap hnenah High level inquiry dina chhui turin an phut tih an sawi a. Union rural development minister Faggan Singh Khulaste-a’n kumin February ni 11-a Mizoram a tlawh ṭum khan Mizoram sorkarin central sorkar scheme/programme hrang hranga sum a hman dik loh te an lo thlen tih an sawi.
Union minister Faggan Singh Kulaste-a’n Mizorama MGNREGS kalpui dan a hriatin mak a ti hle niin BJP chuan an sawi a. “Sorkar thuneitu lu ber aṭanga langtlang kalphung hmangin a hnuai ber VEC, mipuite duhdan leh thuneihna zah chunga kalpui a khawtin hmasawnna tur hawi zawngin kalpui a ni tur a ni” a ti niin an sawi.
Larsap pawhin a rang thei ang bera bawhzui a tum thu leh theihtawp a chhuah tur thu a sawi niin BJP chuan an sawi a. Union minister-in a rawn angin nimin khan Union minister hnenah complaint an thehlut niin an sawi bawk.