A zawna an match hmasa pali an tlawm hnuah Aizawl FC in tun season Hero I-League-ah hnehna an chang a. Sudeva Delhi FC lakah huntawp dawnah goal hnih khungin 2-1 in an ‘comeback’.
Kolkata a Naihati Stadium a inkhelah hian Aizawl FC tan substitute Lalliansanga chu chhandamtu a ni a, minute 91-na leh 93-naah Aizawl FC tan goal a khung.
Aizawl FC in a vawikhatna atana point thum an hmuhna niin table mawngphah a\angin 11-naah an inhlangkai.
Comeback ropui
Sudeva Delhi in Mizo player pali an starting XI-ah an telh a. Tlarhnungah Vanlalzuidika leh Sairuatkima te awmin a midfield sir tawnah R. Lawmnasangzuala leh Lalliansanga Renthlei te an khelhtir a. Mualsir lam a\anga nawr in Aizawl FC lakah minute 4-naah goal an khung nghal.
Sairuatkima ball siamsak a\angin Nishal Chandan chuan goal a khung.
Goal a luh hnuah erawh Aizawl FC chu football hlauhawm zawk khelah an \ang a. Awmze nei zawka ball inpe kual \hinin goal hlauhawm an insiam thei zawk a, mahse goal hmaah bawk an bil leh \hin.
Bench a\anga dah luh MPL striker rintlak ni \hin Liansanga’n minute 91-naah buai miah lovin defender rual inkarah an si phurh sutna a pet kual lut a. Minute khat hnuah penalty area chhungah ball per nangching hmasa ber niin a insiamrem rang ber a, an chakna goal a khung.
Aizawl FC hian Pathianni chawhnuah Indian Arrows an hmachhawn leh ang.