AIZAWL: Chief Minister Zoramthanga chuan nimin khan MINECO-a Mizoram Youth Commission Office-cum-Coaching Centre a hawng a. MYC-in All India Service-a Mizo \halai tam thei ang ber an luh theihna tur a buatsaih chu \angkai taka hman a nih a beisei thu a sawi.
|halaite hmakhua tana \an lak theihna tura MYC din a nih thu sawiin chief minister hian office building \ha tak hawn a ni chu lawmawm a nih thu leh \angkai taka hman a niha \halaite tan hmasawn hna thawh zelna tura lungphum pawimawh tak a nih a beisei thu a sawi.
Chief minister hian \halaite chu an \hatlai hmang \angkaia talent an neihte a hun laia hman nachang hre tura a duhsak thu a sawi a. |henkhat tan chuan harsatna avanga inhlawh paha lehkha zir a ngaih chang a awm theih thu leh, amah ngei pawhin chu chu a paltlang tawh thu sawiin, “Tuna MYC-in all India service-a Mizo \halai tam thei ang ber an luh theihna tura buatsaiha zirlai \halaite tan awlsamna a rawn siamsak hi a lawmawm a. |angkai taka hman a nih ka beisei a, hnam dangin an theih hi kan theih ve lohna chhan tur a awm lo,” a ti.
MYC din a nih dan sawiin LESDE leh School Education changtu Minister Lalchhandama Ralte chuan \halaite hmakhua ngaihven lama \hahnemngaihna avanga zirlai pawl hrang hrangten sorkara an thlen dan te, political party hrang hrangte pawhin \ha an tihpui dan te a sawi a. MYC din a nihna la rei lo hle mah se a \hang duang hle tih a sawi.
Minister Lalchhandama Ralte hian sorkarin \halaite tichak a, ‘empower’ tuma a ngaih pawimawh duhsakna phua Zoram mamawh chhanna nih ngei tumin, tuna central leh all india service-ah luh a ni emaw, entrepreneurship lam te, mahni kea dinga intodelh ngei turten ram leh hnam tan theihtawp chhuah ve turin leh sorkar \awiawm zel turin \halaite a sawm a ni.
MYC Chairman Dr Vanlal\anpuia, MLA pawhin thu sawiin, Assembly Budget Session neih zawh taka All India Service-a \halai tam zawk a luh theihna tura buatsaihna tura Rs vbc 2.66 chu pisa inrelbawlna tur pangngai bakah dah a ni chu lawmawm a tih thu a sawi a. Competitive exam lam, a bik takin All India Service chuan \halaite ngaihsak leh phurna lam a ni ta lo hle nia a lan avangin nasa taka hmalak a nih zel tur thu a sawi bawk.
MYC building thar hawnna inkhawmah hian Tuirial bialtu MLA K. Laldawngliana, AMC Mayor Lalrinenga Sailo leh MYC Chairman hlui Joseph Lalhimpuia te an tel a. MYC in a thawhpui ALS Coaching Centre, Delhi a\anga aiawh Prateek Bhattacharya a tel bawk.
MYC pisa building thar hawn tak hi project hmingah ‘Construction of Mizoram Youth Commission Office-cum-Coaching Centre’ vuah a ni a. Project cost hi Rs. 3,00,00,000 niin Lushai Engineers, Ramhlun, Aizawl chu contrating agency an ni.
October, 2020 khan a sak hna hi thawh \an a ni a, September, 2021 khan zawh a ni a. Chhawng li awmin chairman, secretary leh thawktu dangte \hutna tur bakah coaching room pathum, computer room te, conference hall, cafeteria leh chowkidar quarter te a awm a ni.