Aizawl : Central YMA buatsaihin nimin khan eirawngbawl gas tih chingpen leh Mizo hming hawha hnam dang sumdawng chungchang ah inrawnkhawmna neih a ni a, he hunah hian Mizoram Indane Distributor Association, Aizawl City Local Council Association, Village Council Association, Supply department, Legal Metrology department, Aizawl SP aiawh leh Aizawl DC aiawh-te an tel.
He inrawnkhawma telte chuan Joint resolution siamin, dan lova hnam dang sumdawng leh Mizo hming hawha sumdawng an awm lohna turin, YMA, LC, VC ten an huam chhungah theih thawk hovin tan lak nise, an ti.
Eirawngbawlna gas chu distributor te’n an dawn fel veleh veng chhung point-a semchhuah a nih hmain, an buk ngei tur a ni, an ti a, a buk tlingte chauh mipui hnenah sem chhuaka, a buk tlinglo te erawhchu Companyah an thawn let leh ang, an ti.
Gas hi an buk ngei a ni tih hriatpui turin local council , Village Council, YMA, Legal Metrology leh Police-te a bukna hmuna an awm ngei theih nan an hriattir thin tur a ni, an ti bawk.