Tui hi mihring taksa tana pawimawh tak pakhat a ni a. Mihring taksaah hian 55% – 78% tui a awm a. Kan taksa hriselna hi kan tui in tam leh tam lovah a innghat thui em em a, tui no 8 – 10 tal in tur.
1 Taksa chau a chhawk: Kan taksa a chau/kulcho fo a nih chuan, tui kan in tam tawk loh vang a ni tlangpui thin a, chuvangin tui in tam hian taksa chau tur a vengin, a nihna tur angin hna a thawhtir thei thin a ni.
2 Rilru put hmang a siam tha thin: Zir chianna atanga a landan chuan tui in tam tawk loh vangin mihring hi kan rilru put hmang a lo danglam thei a, tui in tlem chuan rilru put hmang a lo hniamin, a ngaihtuahna a ti tawi thei a, chuvangin tui in tam hi a pawimawh hle a ni.
3 Lu na, lu na benvawn neite tan: Lu na leh lu na benvawn nei thinte hi taksain tui a tlakchham vang a ni fo va, a damdawi tha ber chu tui a tam thei ang ber in hi a ni.
4 Chaw pai \awih leh inthiarna kawngah min pui thui hle bawk a ni: Tui (a bikin tui lum) in tam hian taksa hna a thawh that tirin, chaw pai tawih kawngah nasa takin a pui a ni.
5 Rihna a tlakhniam tir thei: Cher duh tan chuan tui a tangkai hle. Hunbi nei tak a, Tui kan in tam chuan chaw chákna kan nei tlem a, chaw kan ei tlem phah a. Chu chuan taksa rihna a tihniam thei a ni.
6 Tûr paih faitu a ni: Tui hian kan taksaa tûr awm te, kan zun leh thlan hmangten min paih chhuahsak a. Kal a tifaiin, lungte awm tur a veng a, chuvangin kan mamawh tawk ang zelin tui in hi a pawimawh hle.
7 Taksa lum leh vawh dan a vawng: Tui in tam hian kan taksa lum leh vawh dan hi inbuk tawka siamin, keimahni min ti harhvang a, taksa sil leh rawl te a veng.
8 Vun a ti hrisel: Thisen zam kal dan ti mumalin, vun a tinung. Ti mur a ti hriselin vun eng leh mam min neihtir a ni.
9 Thaw rimchhia a tireh: Tui in tam leh chaw eikhama mumal taka kam \huah hian ká rimchhia a um bo thei.