Mizoram sorkar in inkhuah-khirhna thlahdul zel

Mizoram sorkar chuan Covid-19 laka invenna tura inkhuahkhirhna a thlah duh zel a. Nimina SOP thar a tihchhuahah College leh University final semester zirlaite tan zirna a pangngaia kalpui leh hostel hawn phal a ni.
State Disaster Management Authority (SDMA) in thutlukna a siam angin, Mizoram sorkar chuan academic session thar April 5, 2022 a\angin zirna in leh hostel te chu hawn a phal a. College leh University final semester zirlaite tan class leh hostel hawn a phal a ni a. Semester dang te chu Higher & Technical Education Department ruahmanna in CAB uluk taka zawm chungin, Academic Session July 2022 a \an tur a\angin offline class a hawn phal a ni bawk.
Department of HAMP, MZU hnuaia Ph.D. course work chu class hawn phalsak a ni a. Hemi atana hman tur SOP chu H&TE deptt-in a ruahman ang a. Zirtirtute, hnathawk dangte leh zirlaite’n Covid-19 hri danna an lak vek theih nan hma la tura tih a ni.
AMC area huam chhung leh pawnah kohhran inkhawm pangngai chu chhun leh zanah neih phal a ni a, zing leh tlai \awng\ai inkhawm pawh phal a ni a. Chhun leh zanah inkhawmpui neih phal a ni a, Deputy Commissioner te thurawn ngaichang chungin kohhran te chu an veng/khua \heuhah Covid-19 leng dinhmun ngun taka thlithlai reng turin beisei an ni.
Hetih lai hian kohhran inkhawm chungchangah SOP thar tihchhuahah hian, inkhawma zai phal leh phal loh tar lan a ni lo thung.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427