Aizawl: Mizoram Rajya Sabha MP K Vanlalvena chuan Food Corporation of India (FCI) a\anga Mizoramin buhfai a dawn zat tipung turin sorkar laipui a ngen.
Parliament Budget Session neih mekah nimin khan Rajya Sabha MP K Vanlalvena chuan thu sawiin, Mizoramin FCI a\anga thla tin buhfai a dawn chu state mamawh zat chanve chauh niin, a zatve dang chu open market a\anga man to zawka lei a ngaih \hin avangain buhfai dawn zat tipung turin sorkar laipui a ngen a ni.
Hmarchhak state hrang hranga FCI kalphung chu siam danglam a \ul tih sawiin K Vanlalvena hian, “Assam, Arunachal, Nagaland leh Manipur ten anmahni state-ah \heuh FCI Regional Office an neih laiin, Mizoram, Tripura leh Meghalaya ten NEF hnuaiah office pakhat, Shillong-a mi an in\awm chu a dik lo a ni,” tiin, state pathumte hian a hrang \heuha mahni state-ah FCI office neih a \ul thu a sawi.
Rajya Sabha Chairman M. Venkaiah Naidu chuan nimina parliament session-ah Mizoram MP K Vanlalvena’n thu a sawi \an tihah, tun hnaia Mizoram a tlawh thu leh state assembly-ah thu a sawi thu sawiin, Mizoram Legislative Assembly chhunga rorelna kalpui dan chu buaina awm ve ngai lo, ram pum tan entawn tlak a tih thu a sawi a. Mizoram a tlawh avangin Mizoram MP pawhin lawmthu a hrilh bawk.