India ram pumah nimin atang khan kum 12 leh 14 inkar hnenah Covid-19 hri danna, Corbevax pek \an a ni a, Mizoramah pawh Aizawl East District-ah hri danna pek bul \an a ni.
Health department hotute hnen atanga thudawn danin, kum 12 leh 14 inkarte hnena hri danna pek hi Aizawl East District hnuaia Bawngkawn South YMA Hall-ah bul \an phawt a ni a, district dangah chuan March 21 a\angin hri danna hi pek chhuah leh a ni ang.
Mizoramah hian kum 12-14 inkar hi mi 44,000 awm tura chhut a ni a, heng kum bithliah inkar tana hri danna pek Corbevax hi Mizoramin dose 40,500 a dawng tawh a ni.
Kum 12 leh 14 inkar tana Covid danna pek tur, Corbevax hi Biological E Limited siam a ni a, he hri danna hi tihrawlah pek niin, dose hnihna hi ni 28 inkar hlata pek tur a ni.
Corbevax hi hri danna pek \an nia kum 12 tlingte tan a ni a, chu chu kum 2010 emaw, a aia hmaa piangte tan tihna a ni.
Hetihlai hian kum 60 chin chung lamte natna benvawn nei emaw, nei lo emaw, Covid-19 danna 1st leh 2nd dose la tawhte, 2nd dose an lak ni a\anga thla 9 ral tawhte chu precaution dose an la thei tawh bawk.